不少人見伴侶家長時都想留下好印象，但其實並不容易猜中未來老爺、奶奶的心意。有一樓主在討論區上發帖，表示自己與男友媽媽不時溝通，但竟然有一次上男朋友的家中吃飯，未來奶奶竟然因為她一個行為而想趕她走。
撰文：AT｜編輯：RF｜圖片來源：香港討論區 截圖、IG@mylovekbs、韓劇@請回答1988 劇照
樓主表示自己正在減肥，想吃得清淡一點，當她上到男友家，看見桌上的餸菜也十分肥膩，桌上有鳳爪排骨、炸子雞、燒肉、煎魚等等，她便決定叫男友幫他把餸菜沖一次水，雞肉和燒肉的皮也去掉。
惹未來奶奶不滿
結果，男友媽媽對此感到十分不滿，問她為什麼要這樣做，樓主無奈回應：「點解上左年紀既人咁唔體諒人？我最近減肥想食清淡啲。呢個計劃我已經run左成個月，都成功減到磅」、「佢仲話我咁樣好大晒唔食皮，拎D野食去過水好似話緊佢煮野唔好食咁，如果唔好食，我水都唔會過啦！直接唔食咪得！」
男朋友叫她買禮物氹回老人家
在場的男友也替樓主說話，叫媽媽不要太生氣，但並沒什麼作用，之後媽媽更悔氣地說：「我地啲老野煮野係咁豐富啦，如果咁難為你，你以後咪唔好勉強上黎食啦！去返D西餐食沙律啦！」事後樓主男朋友叫她買禮物氹回老人家 ，但她心裏不甘，表示：「我係屋企咁樣做我爸媽都未冇出聲啦！」
網民解釋要盡快解決溝通的問題
有網民同意樓主想法，認為男友媽媽說話太過分，：「男友個媽亂咁講嘢，無邏輯嘅。」但有其他網民認為這是缺乏溝通的問題，建議樓主要盡快解決：「妳嘅問題係缺乏溝通！自己屋企人唔同人哋，因為佢唔係睇住你大，唔同環境長大，所以一定會有矛盾，呢個時候你可以話你係自己屋企都係咁，慣左，唔好意思，你男朋友又可以幫下口。人同人相處係有難度，如果第日同住就慘。」
網民也提醒樓主要體諒別人
網民提出下一次做樣也要吃幾口菜：「如果你講既嘢係事實的話，我唔會好似你咁做囉，最多只食幾件餸多食菜就算，之後話自己比較鍾意食菜，還要拖慢嚟食，食到半飽不餓就停。」網民也提醒她要體諒別人，將心比心，留言表示：「我奶奶叫我食飯都係大魚大肉，但我會食飯前飲多啲水，到食飯時食幾舊就飽，中途仲要不停話好好味，我奶奶問我點解唔食多啲，我話頭先飲咗好多水，好飽，其實煮飯嗰個希望清晒啲碟佢會好開心。就算人哋唔好但你都要做好自己，最多少啲見，吃虧是福。」
N 其實呢，我覺得你唔點食仲好，好過上到去又喺度「洗餸」～
佢係你男朋友個阿媽，除非你完全無諗過同你男朋友長久發展（唔一定係結婚，總之就係長久關係），否則你點都係要尊重佢老人家；
老人家煮咁多餸，除咗因為你上黎食飯，仲因為你男朋友（即係佢個仔）返黎食飯！你以為煮餐幾餸飯好過癮？？講緊煮兩三個鐘！你話佢唔體諒你，你又有冇體諒過佢作為媽媽，想喺個仔面前表現好客、想個仔食多啲餸嘅心情？你無，因為你淨係諗住自己點樣減肥～
男朋友其實無講錯，叫你送份禮物又唔係咩大事，你咪叫你男朋友幫手揀，否則大家面阻阻，只會令將來更難相處！你自己將來辛苦架咋～
不過我都無見過有人好似你咁，上人哋屋企食飯然後又話減肥，真心話，明知減肥就咪L上人屋企食飯啦！正如自己減肥就咪L跟啲朋友去食雞煲然後又話呢樣唔食得果樣唔食得！真係當自己公主咩⋯⋯你屋企人當你公主咋，但實際上你唔係呀！
#你問我我係定義為公主病
#你如果唔搏嘴又何來聽到人哋阿媽話你咁唔鍾意唔好上黎食飯？
#只講啲對自己有利嘅說話
#人哋老母都難頂但你一樣咁難頂
2021年12月28日13:00
Autumn 呢啲叫冇家教既港女行為，係男朋友屋企當住男友媽咪面使佢既仔仲做嘢仲要對男友媽咪辛苦煮既餸指指點點，人哋媽咪咁辛苦煮俾你食唔該都冇句，想扮公主咩係自己親媽度拌嘍，你減肥咩冇去男友屋企食嘢嘍，要尊重人哋既勞動成果，男朋友都冇鬼用，唔尊重自己既媽咪既女人要來把鬼咩！
2021年12月29日19:32
Samuel Lee 上去食飯前預先講聲「減肥中會食得清淡戒油…等等」，就未必會有後續情況出現。
叫人體諒你之前，自己有無做好本分？又有無體諒過別人？
應該都係自己父母縱慣哂！
2021年12月29日17:55
顯示全部