Coffee林芊妤拜山著瑜伽褲被網民狂插！發起連著30日行動為瑜伽褲平反：「我又唔係迫你著」

瑜伽界KOL兼瑜伽導師Coffee 林芊妤日前趁着重陽節，帶仔仔一起上山拜祭先人，與家人前往掃墓，然而她當日的瑜伽褲卻成為焦點，被網民批評，指她連去拜山都要着瑜伽褲，今日她就在社交平台上反擊網民，更決定連着30日瑜伽褲以示不滿，引起網民熱烈討論！

熱愛瑜伽的Coffee平日已經經常穿瑜伽褲，加上現今的女生都會穿瑜伽褲出街，亦引來社會上不少討論，不少人覺得瑜伽褲太貼身，令女生下體「現晒形」，更為著瑜伽褲的女生貼上標籤，指她們性格開放，引來不少討論。日前重陽節，Coffee穿瑜伽褲登山祭祖，並在社交平台上載照片，網民留言揶揄她：「佢個個性就係咁，喜歡人睇，驚死人唔認得佢呀嘛」、「死人要睇，生人都要睇」，令Coffee怒罵：「我又唔係迫你著！」
對外間對女生穿瑜伽褲的輿論一直都有增無減，作為瑜伽導師的Coffee終忍不住發聲，截取網民的回應：「岩岩先睇到呢個comment真係眼都突！」Coffee再解釋：「其實當日我哋登高由山腳柴灣行到山頂凌霄閣，其實都係做緊運動，全程行到身水身汗面容扭曲，咁我想問着運動衫係有乜嘢問題？總好過我着到登台咁去拜山啦係咪？同埋我之後都係去郊外風箏場野餐同放風箏，全日都係運動日，大家認為着運動衫褲係咪好合理呢？」

Coffee更怒罵表示要30天穿上瑜伽褲到處去，為瑜伽褲平反：「我決定嚟一個 ‘30days of leggings’， 無論食飯行街去Event去買餸，任何諗得出嘅場合都着leggings！」以行動來證明穿瑜伽褲不是罪。
Coffee其實除了是瑜伽界KOL兼瑜伽導師，更自設個人瑜伽服品牌Coffee Sweat，一推出就大受香港女生歡迎，更不時賣斷貨！Coffee亦經常親身示範自家品牌的瑜伽服，又會在網上分享了自己穿瑜伽褲避免尷尬的方法，她表示因為經常要外出教班，為了方便幾乎每天都是穿著瑜伽褲周圍去，更有穿瑜伽褲10年的經驗，難怪網民的留言會令她怒火中燒！

Follow she.com on Facebook & Instagram