一到冬天，就自然好想去打邊爐，平時常光顧去打邊爐的地點好多，酒店中菜廳打邊爐就比較少見，尖沙咀金域假日酒店龍苑中菜廳最近推出「滾住食」火鍋套餐，價錢以每位計，套餐賣點是海陸拼盤，另有任食配料。
作者: 飛叔
以往去過尖沙咀金域假日酒店的龍苑中菜廳好多次，睇返自己寫文的紀錄，原來上次到訪已經是五年前的事，五年人事幾翻新，酒家幸好環境沒有太多改變，依然都給我一種傳統而穩陣的感覺。
今次特登來滾!
龍苑的環境雖然沒有變，餐牌的選擇郤添了新意，趁冬天合時推打邊爐套餐，這個「滾住食」套餐基本每位$498加一，包海陸拼盤一份，海鮮和肉類可加錢再叫，另有些配料可以任食任添的。
湯底有基本三款選擇，包括芫荽皮蛋、娘惹沙爹、南瓜素菜，加錢就可升級至燉湯底。
我們揀了娘惹沙爹鍋!
等水滾的時候，先混一混醬，以別緻的九宮格盛合來載著醬料，基本醬油都有齊，選什麼醬料就悉隨尊便!
勿以為這樽是清酒，係豉油呀!
套餐包一客「海陸拼盤」，即是海鮮和肉類，每人每款有兩件。
先開陸路，肉類相當豐富，牛肉有澳洲和牛、美國安格斯肉眼片、金錢牛𦟌。
豬肉就有西班牙黑豚豬柳片。
打邊爐一定要有丸和餃!
套餐的丸和餃包括有陳皮鯪魚丸、芝心鮮蝦丸、鮮蝦雲吞、鮮肉韭菜餃。
是晚主角「海鮮拼盤」擺放得相當澎湃，食物有海中蝦、帶子、桂花蚌、龍躉柳、長腳蟹腳。
幾款海鮮當中，我最鍾意龍躉柳，切成厚身，相當爽脆。
打邊爐最開心是可以一齊淥嘢，立時拍下這個一齊滾帶子的開心時刻!
另外還叫了一些任食的配料，我們點了鮮腐竹、炸枝竹、午餐肉、芝士腸、粟米、娃娃菜、唐生菜等。
甜品都是任食的，原來每日供應的款式都可能有所不同，我當晚就有雪耳糖水。
這晚在酒店中菜廳吃火鍋，環境整潔衛生，套餐內的食物款式大致上都充足，份量對於我來說是剛剛好，我們整枱人都吃得飽，亦不用再添加食物。喜歡打邊爐而又想要酒店環境的滾友，不妨約齊人去呢度滾。
龍苑中菜廳
地址: 九龍尖沙嘴彌敦道50號金域假日酒店低層一樓
電話: 2315 1006
營業時間: 11:00 – 15:00, 18:00 – 23:00
請關注飛叔平台:
Facebook專頁: 飛叔生活 Kelvin Leung
Instagram: kelvinyfl
YouTube: 飛叔Kelvin Leung