麗晶酒店重開後自助餐廳「港畔餐廳」長期滿座，兩層嘅酒店玻璃幕牆樓底極高，面對維港景致採光度十足，帶來極為廣闊嘅開揚視野，日間與晚上可欣賞不同氣氛嘅維港美景。
以性價比嚟講自助午餐絕對係入門之選，菜式選擇也豐富得吶不完，尤其矚目是甜品類別，有超過數十款品項。當中自家製雪糕已十分吸引，開心果、咖啡等口味，餘以曲奇、朱古力片、果仁等，外型漂亮也帶來有層次嘅口感。
廣告（請繼續閱讀本文）
蛋糕推介特濃朱古力，係經典嘅朱古力海綿忌廉蛋糕，十分軟滑香郁，還有多款件裝甜品、馬卡龍、朱古力、蛋糕、即製班戟等。
廣告（請繼續閱讀本文）
雖然甜品最吸睛，但其實海鮮、鹹食、中西日菜式也十分齊備，龍蝦、虎蝦、青口等新鮮凍海鮮，北海道帶子、蒸鮑魚、多種日式卷物及刺身、即切烤肉、點心、小菜等等，絕對是目不暇給，面對如此景致用餐，吃得特別開懷呢。
廣告（請繼續閱讀本文）
自助午餐價錢：
星期一至五 成人$528，小童$268
星期六、日及公眾假期 成人$688，小童$348
自助晚餐價錢：
星期日至四 成人$888，小童$448
星期五、六及公眾假期 成人$929，小童$478
港畔餐廳自助餐
地址：尖沙咀梳士巴利道 18 號香港麗晶酒店
電話：2313 2313