【第二個家】人夫放工瞞妻扮OT回「第二個家」打機　揭背後心酸原因：愛老婆先咁做

人夫擁有「第二個家」是否恰當？港人工時長、壓力大，生活節奏急促得無法喘息，容易因而逼出情緒問題。一名人夫兼港爸日前在網上分享，自己瞞著妻子在外面租「私竇」，放工後會扮OT上去打機減壓，更稱這樣做是因為愛老婆，而引起網民熱議。

Photo from 《大叔的愛》劇照

肩負老公爸爸責任 壓力無處宣洩

這名人夫在「辦公室日報」投稿分享自己的秘密減壓方法，引起網民熱議！事主從事銀行與金融業，收入可觀惟因為要跑數而壓力甚大，更要無時無刻on duty，工作非常繁忙。他坦言「捽數捽得最勁嗰期」，壓力和抑鬱情緒無處宣洩，加上要肩負老公和爸爸的責任，「難免會抖唔到氣」。

Photo from 《大叔的愛》劇照

花5,800元租私竇享受一人空間

有段時間他壓力大得曾想過去看心理醫生，不過最終他沒有看醫生，反而瞞著老婆和朋友，花5,800元在屋企附近的舊樓租了個百多呎的單位做私竇。他表示：「呢個租金我消化到，一直消化唔到嘅只有生活壓力」，所以他非常需要這個「小天地」。事主沒有為這「第二個家」添置任何東西，因為他表示自己只需要電、燈、冷氣、一張舊梳化，一個完全屬於自己的空間。

Photo from 《暖男爸爸》劇照

事主一般會跟老婆說要OT，然後便會偷偷竄上去，一星期大約會去2至3次，當「工作好辛苦或者有挫折，壓力好大先會嚟」。而他在私竇的活動只是「玩電話玩iPad，就咁上網無目的地睇嘢同埋玩下game，極其無聊」，不過這足以讓他放鬆，將負面情緒放下才回家。他又表示不會遲過10點回家，因為想在兒子臨睡前「見下佢，同佢傾下計」。

Photo from 《暖男爸爸》劇照

愛老婆方作出這個決定

事主澄清租私竇並非因為不愛老婆，相反地正正是因為愛她，「所以更需要呢個地方畀自己作出少少調整先返去」。他形容這個百多呎的小天地，讓他「好似返到以前做仔嗰陣咁，唔係任何人嘅老公，唔係任何人嘅爸爸，喺呢度我單身一個人，真心舒服」。

Photo from 《暖男爸爸》劇照

男女網民反應兩極

文章一出即引起熱議，惟網民反應兩極，有部分網民認為每個人都需要獨處空間，「搵到方法舒壓就好，對自己家人都好呢！」、「唔想帶情緒返屋企先咁做，好仔嚟」、「幾親密都好，一個獨處嘅時間係好重要」、「香港人日頭太忙太繃緊，好多時靜唔到落嚟，想靜又唔知去邊度」。

不過也有不少女網民對事主的行為非常反感，「媽媽夠想日日有幾個鐘玩電話打機啦，有幾多個老婆頂得順呢種『偽單親媽媽』生活」、「連自己最真實嘅一面都唔能夠坦蕩蕩表露俾個老婆睇」、「咁老婆去邊度紓壓」、「你老婆做家務教小朋友做功課，你係度打機」。

大家對於這位人夫的「第二個家」又有甚麼看法呢？

Text：Mami Editorial
Source：辦公室日報

閱讀完文章，記得追蹤 MamiDaily親子日常 以下平台，隨時接收最新育兒教育資訊 ！

【Follow MamiDaily親子日常 IG】

【Like MamiDaily親子日常 FB】