男團ERROR成員吳保錡(Poki)新歌〈跑吧，小丑〉MV剛上架，自爆是受到hater留言啟發，而且MV更邀得好友陳安立(Brian)、黃凱逸(Zelos)、蘇皓兒(Chloe)及鄧子超演出。
Poki指早前曾看到一位hater留言而得到靈感，和作曲的JNYBeatz、Alex Law，以及作詞的薑檸樂創作了新歌〈跑吧，小丑〉：「有個hater曾經留言話我係跑步小丑，呢個創意好高，所以就啟發我要做呢首歌。」〈跑吧，小丑〉特別剖白了小丑的荒誕演藝路，因為只有小丑可以因為錯誤而得到掌聲。也有本來不是小丑的，悲劇地認清自己技藝不精，卻因尷尬的失誤被大眾捧為明星。
既然是一個小丑的故事，所以今次〈跑吧，小丑〉的MV，也以小丑三人組的故事展開，Poki感激眾人的參與：「大家喺娛樂圈擔當唔同崗位，但其實都同〈跑吧，小丑〉呢首歌裡面嘅小丑角色一樣，想喺觀眾面前表現得更好。Brian、Zelos同Chloe都係拍過ERROR團隊嘅節目，好似Brian拍過《ERROR自肥企画》，Chloe拍過《ERROR自作業》，Zelos亦拍過導演阿輝嘅一個節目，所以都係同ERROR息息相關嘅人。」而今次MV特別以黑白默片模式拍攝，Poki解釋：「想向差利卓別靈致敬，因為佢就係第一代諧星笑匠。」
在〈跑吧，小丑〉MV裡面，Poki、Brian、Zelos與鄧子超更齊齊赤裸上身拍攝，Poki解說這個鋪排背後的意義：「咁多位男角赤裸上身，係因為大家現實中其實都係赤裸羔羊，不論係做一個藝術家還是小丑，都已經將自己一切俾晒大家睇，就連人生、生活都毫無保留，我哋想透過呢一幕反問觀眾，大家仲想要啲咩？」另外，拍攝MV當日，湊巧MIRROR亦在隔離廠拍攝MV，Poki回憶道：「我化咗小丑妝嘅時候，花姐咁啱經過，跟住佢話：『嘩！靚仔咗咁多嘅？』跟住我就明，我化呢個小丑妝係靚仔啲，佢講咗呢個事實，係幾開心。」