陳奕迅（Eason）前日12日於馬來西亞展開三場《Fear and Dreams 世界巡迴演唱會》，門票於開賣時一早秒殺，據知最後門票更被炒高30倍，大破紀錄。相隔六年才到馬來西亞開唱，大馬歌迷整晚都忍不住跟著Eason大合唱，唱到《幸福摩天輪 》時，觀眾歌聲大到載著耳機的最後Eason聽到呆左，除下耳機幸福笑著聽觀眾歌聲。
廣告（請繼續閱讀本文）
Eason於台上笑言：「計計吓，我原來已經六年冇來大馬！」隨即搞笑自打pat pat多下，觀眾歡呼四聲，狂拍手掌，「我第一次係馬來西亞開騷， 應該係係 National Stadium，個度係咪坐多啲人？下次我去個度開啦，做咩今次開三場，哈哈哈….一場夾埋差唔多人….好多謝大家，我知道你地搶飛搶得好辛苦，真係好多謝你哋黎支持我。大馬真係好熱！原本已經跳到好熱，但你哋嘅熱情令到我更加熱！」
廣告（請繼續閱讀本文）
大馬一向是比較保守的國家，再熱也不能在台上除衫，昨晚來到Encore位，Eason換上T-Shirt，仍不停呼叫：「真係好熱」，歌迷狂叫他除衫，意想不到他亦按不住，「你比我唱埋隻歌先啦，好煩。」然後即脫上衣，不過他早有備而來，下面仍有一件白色底衫打底，搞笑場面令歌迷非歡樂，Eason：「除完著返。哈哈。」歌迷又叫：「除咗佢！送俾我！」Eason笑著再脫下上衣，「哎也好老土，你哋一陣拋番上來我咪好瘀？」隨即他把脫下的上衣掉下觀眾席，最後由一個坐第一排的粉絲搶到，他即笑道，「好啱晒Size。」
廣告（請繼續閱讀本文）
今晚還有第三晚演出，Eason便完滿結束大馬之旅，回港後就會忙著籌備最新專輯的發布及七月台灣的七場巡演。