香港美食2024｜韓國爆紅壓扁牛角包登陸香港
早前韓國大熱「扁可頌」風靡全國，做法就是將蓬鬆酥軟的牛角包，經過加工手法壓扁，好似餅乾一樣的酥脆口感。而依家係香港都可以食到，一向主打創意烘培的本地麵包小店推出5款全新口味，包括有原味、朱古力榛子碎、柚子朱古力開心果碎、脆脆花生焦糖醬以及岩燒挪威焦糖芝士味，款款都勁吸引，睇得又食得！仲要每日中午熱辣辣新鮮出爐，不過依家只限佐敦分店，而且隨時有新口味推出，大家不妨留意小店的最新動向！
廣告（請繼續閱讀本文）
▲ 本地烘培小店「 四喜麵包西餅」推出 早前韓國大熱「壓扁牛角包」，呢款牛角包在韓國大街小巷的Cafe都能吃到，超多foodie打卡。
廣告（請繼續閱讀本文）
▲共有5款口味，分別有 有原味、朱古力榛子碎、柚子朱古力開心果碎、脆脆花生焦糖醬以及岩燒挪威焦糖芝士味，不過暫時只限佐敦店有售，而且每日售完即止。
廣告（請繼續閱讀本文）
▲喜愛甜食可以選擇朱古力榛子碎可頌餅和脆脆花生焦糖醬可頌餅，花生醬食到微微花生粒豐富口感，面頭放上Lotus餅乾，再加上煉奶夠曬邪惡！
▲芝士控可以選擇 岩燒挪威焦糖芝士味，鹹甜交織配埋酥脆扁牛角包口感一流！
四喜麵包西餅
地址：柯士甸道105號百安大廈地下E1號舖 （地鐵佐敦站D）
營業時間：星期一至五0730 – 1930 ；星期六日1000 – 1930
電話：51188690
圖片來源： @sayhey4cake 文字：香港人遊香港
