廣告（請繼續閱讀本文）
藝人何廣沛今日出席「萬千星輝頒獎典禮2024」活動。憑《黑色月光》獲提名「最佳男配角」的他，被問到信心問題，他大方謂會將信心放在對手身上，他說：「楊茜堯姐姐一定要攞呢個視后，我喺劇中咁撐佢，連自己爸爸都出賣，幫佢報仇喎，佢嘅眼神，我睇到都真係驚，林夏薇都演得正，不過我同佢唔同陣營嘛，如二揀一，一定係楊茜堯，全力支持佢。」
廣告（請繼續閱讀本文）
至於「最佳男配角」，其心水是就《巾幗梟雄之懸崖》的蕭正楠，他說：「佢當年係我阿哥，同埋佢1人分演3角好高難度，（啲人戥阿蕭冇份角逐「最佳男主角」唔抵？）對手好強呀，呢啲叫走線，係聰明做法，攞獎機會大好大。我仲撐《黑色月光》嘅黃翠如，佢個角色好慘，真係睇到喊，我希望佢哋夫妻檔攞男女配角獎。視帝，視后我支撐羅子溢同楊茜堯都係夫妻檔，子溢佢搣甩咗靚仔形象，佢對眼紅到一個點。」
談及拍拖的女友在社交網晒他遛狗相，他說：「女友好支持我，我哋同佢隻狗都好Sweet嘅，我照顧到佢隻狗好好，女友都會去澳門頒獎禮支持我，但佢入唔到場，會喺酒店等我。（結婚未？）工作為先。」
東網網站 : https://on.cc/東網Facebook專頁 : https://www.facebook.com/onccnews/
廣告（請繼續閱讀本文）