《流行都市》1位幕前被投稿大爆係渣男食軟飯？前女友細數7宗罪：約會變PTBF要收錢！網民齊估渣男是誰？

日前，一位女網民於Instagram上的戀愛平台上投稿，細數有關前男友的惡劣事情！該位網民表示兩人雖然已分手兩年，但因分手後至現在依然會發惡夢，令她忍無可忍，決定公開！她透露前男友是位「半公眾人物」，曾拍過都市閒情教煮餸（即《流行都市》）同接拍廣告，令不少網民討論猜測身份，甚至留言估係呢位「半公眾人物」？

女網民細數前度第1宗罪：欠債

女網民表示自己是在疫情期間認識男方，指他經常強調自己是「半公眾人物」，所以要注意言行，又指：「佢話佢爭出面銀行周身債，日日都要揸Uber搵錢。」而事主表示自己都盡女朋友的責任，為他分擔債務。

女網民細數前度第2宗罪：約會變PTBF要收錢

網民表示：「呢個男人真係超孤寒，有時搭佢車出入佢都會計返我Uber價錢。」甚至如果男方當日用其他時間同女網民約會，事後都會要求事主過錢，表示當係包咗男方當日時間，竟然由約會變PTBF要收錢？！

女網民細數前度第3宗罪：食軟飯

女網民指拍拖期間大部份錢都是自己出，指自己長期「貼仔」！當男方向事主表示自己想同朋友做生意，網民二話不說出售掉自己的金器，將當時所有的3萬積蓄給予對方。網民又指，男方經常表示自己是「半公眾人物」需要打扮自己，所以她會買Tommy（Tommy Hilfiger）、A&F等衣服給他，甚至有時連事主的男裝衣服都會著。

女事主表示覺得男方認為她對自己事業無幫助，是個負累，所以有一日男方突然問她：「如果有個富婆包養佢，仲可以比到好生活佢，咁我願唔願意同意佢俾人包。話覺得自己都30中30尾，如果而家有富婆包佢，有錢女鍾意佢，已經係最後機會去做呢樣嘢。問我願唔願意比兩三年時間佢搵錢，之後再同返我一齊。」而這段奇怪對話已經令網民感到奇怪。

女網民細數前度第4宗罪：情緒勒索

網民表示自己163cm高，最瘦的時候甚至只有87磅，但男方卻經常貶低她：「話我肥，係咁話我係佢一齊過最醜樣嗰個。」令到網民患上抑鬱精神病，需要睇精神科同心理醫生，甚至連醫生都認為她瘦到似厭食症！而且網民指男方曾和她分享會選擇她的原因，全因為網民外貌平庸，指男方曾說：「同過一啲好靚嘅女仔一齊會好冇安全感，同我一齊就唔會。我係平庸嘅靚囉。同我一齊唔會有負擔。」令本來已經自卑的網民自尊心受挫。

女網民細數前度第5宗罪：極不尊重女性

男方因為工作關係會接觸到不同女性，而過後他會用不雅言詞、黃腔與網民分享工作日常，稱：「成日話覺得條女好冧佢仲要講到好肉酸，成日講覺得人哋對住佢濕晒。」令網民感到無奈和極不尊重她和其他女性！

女網民細數前度第6宗罪：多次偷食前科

女網民指拍拖期間，男方主動跟她分享自己有多次偷食前科，例如他在每一段關係都係會偷食再偷食，如何與其他女性約炮，甚至又自爆以前曾是吸毒者！除此之外，網民發現他的社交平台冇刪除過前女朋友的照片，更保留兩人的床照，令她決定分手，但被男方成功挽回。而網民復合後，要求男方刪除照片，不過對方的態度卻十分不滿地刪除。

一連串事情發生後，男方突然表示分手，而兩人分手不久後，男方就有新女朋友，網民認為他係應該是無縫接軌或一腳踏兩船，而經過男方與新女友慶祝一周年的日子，網民表示自己的猜測是對的：「睇返佢啲IG post，佢仲同緊我一齊嘅時間同佢哋嘅周年紀念係搭住。」

女網民細數前度第7宗罪：拎走不屬於自己的物品

網民表示二人分手並不和平，男方分手後自行到事主家中拿走步屬於他的相機、iPad和網民的男裝Tommy外套。即使出動網民的媽媽幫手叫對方歸還，對方依然無動於衷，甚至將她的男裝Tommy外套送給現任穿著，令網民倍感侮辱和生氣！

網民齊估係呢位「半公眾人物」

投稿公開後，不少網民都對事件男主角十分好奇，而根據女網民所公開的資料，在《流行都市》教煮餸、拍廣告；現任女友是做家族式保險生意，曾炫耀MDRT、COT等成就、是位落選港姐同時也有在電視台拍攝。種種資料令不少網民留言推測是廚藝專家湛錦鈿，有人講笑到底是李錦聯定安德尊，亦有人認為只係網民作故仔。不過由於投稿只是女網民單方面的說法，也沒有節目相關人員澄清事件，所以真相無從得知！

Follow she.com on Facebook & Instagram