樂隊Dear Jane昨晚（11日）聯同台灣組合五堅情一同開騷，呂爵安驚喜擔任嘉賓。Dear Jane主音Tim（黃天翱）的太太楊洛婷在社交平台宣布父親離世一事，Tim受訪時表示最受打擊的是太太，自己在情緒上可以分開到，之後他會多陪伴太太，稍後與老婆及仔女返加拿大見家人，Tim又指岳父有一段時間身體有好轉，但及後病情急轉直下，他表示岳父的喪禮已辦妥。
他說：「外父換過心及器官，身體唔算係最強壯，今次病得咁嚴重，叱咤嗰晚個騷中間，我老婆話不如集一集氣，嗰陣時佢好辛苦，集氣完之後好似有好轉，跟住第二日好快個情况惡化，但最後（走得）都舒服嘅…我老婆仲喺溫哥華，但我過唔到去，都想過去睇下有乜幫手，嚟緊都會飛過去再處理一下嗰邊屋企嘅嘢。（太太心情？）佢好唔開心，佢都幾大打擊，我盡量扶持佢。」
廣告（請繼續閱讀本文）
（即時娛樂）