珍珠首飾大家可能買得多，有冇諗過其實可以自己親自開蚌尋珠、製作屬於自己嘅珍珠首飾呢？覺得坊間嘅工作坊唔夠挑戰性，不如試吓呢個珍珠首飾工作坊喇！既可以同好朋友一齊製作獨一無二嘅首飾，又可以搭船出海，體會不一樣嘅戶外活動！
圖片來源：Holimood ｜撰文：Sharon
搭船出海去到西貢麻南笏嘅海域，三小時嘅工作坊大家可以讓了解更多珍珠養殖嘅知識同故事，導師亦會指點大家開蚌嘅方法，製作珍珠首飾，仲可以免費用蚌肉釣魚，啱晒一家大細或者朋友一齊嚟體驗！
廣告（請繼續閱讀本文）
導師會先向大家講解有關珍珠嘅知識，了解香港珍珠歷史同現況、珍珠嘅成長過程、養殖基本知識、珍珠養殖同可持續性發展嘅關係等。家長亦可以帶埋小朋友去，學習保育海洋嘅重要性，有得學又有得玩！
廣告（請繼續閱讀本文）
最令人期待當然係開蚌尋珠！導師會示範開貝殼嘅方法，大家就可以親自動手做，取出自己嘅珍珠，每粒珍珠都唔同顏色，例如粉白色、灰紫色、銀白色。
廣告（請繼續閱讀本文）
之後大家就可以按照個人喜好，落手製作自己嘅珍珠首飾，可以整頸鍊、耳環，或者戒指都一樣得！
整完珍珠首飾，仲可以嘗試釣魚添，場內提供咗蚌肉作魚弭，大家就可以挑戰一下釣魚嘅滋味！一個工作坊已經有咁多嘢玩，放假一於約埋好朋友一齊去喇！
【INFO】（按此報名）
課程包括︰
- 戶外教學導師親授珍珠專業知識及指導開蚌的方法
- 專業導師講解珍珠故事(珍珠小學堂)
- 入場卷及HKD $20來回船票 (於白沙灣碼頭集合)
- 製作飾物的工具及材料
- 完成一件珍珠首飾配件 (包含兩件925 純銀配件)
- 免費釣魚 (包借出漁牌、蚌肉作魚弭)
售價︰HKD$680（成人單人套票）/HKD$1280（成人雙人套票）/HKD$880（親子）