網民票選「10大乞人憎TBB藝人」季軍 溝女王李思捷恨結婚

李思捷形象一向花弗，食女無數嘅佢，形象算係極差。早年喺討論區有個「我厭惡的十大無綫男女藝人」投票，李思捷更成功入圍第三！唔覺唔知，原來李思捷曾經同黃心穎傳過緋聞，姣婆遇著脂粉客，竟然無黑材料留出？

撰文：東方新地圖片：東方新地

「10大最乞人憎TBB藝人」選舉第3位李思捷

溝女王嘅李思捷緋聞好多，但佢都仲好有性格咁話：「係人都溝女，唔溝女才是乖仔？我覺得很荒謬，俾女溝又被人罵，溝女又被人罵，不如孤單一個就最乖？我覺得好無聊。」

李思捷黃心穎緋聞

李思捷一向緋聞多多，食女無數，唔講唔知原來佢同黃心穎傳過緋聞！2015年，李思捷因拍攝《以和為貴》而與黃心穎傳出緋聞，當年兩人被指秘密撻著後，黃心穎上李思捷屋企短時間內就被記者影到，登上雜誌封面。後來事件瘋傳，疑似有人自己向記者爆料，導出兩人戀情，製造短暫的知名度！

李思捷問黃心穎：「How much？」

2016年，黃心穎擔任李思捷在馬來西亞舉辦的《全場high爆棟篤演唱會》嘉賓，佢一上台就被李思捷語帶雙關以英語問：「How much？（多少錢？）」，似係暗寸對方有價有市，進行不道德交易；黃心穎當時窒一窒，之後回敬一句「I am priceless!（我是無價的！）」，火藥味十足！不過思捷訪問時提到的「15 minutes of fame」，講緊邊個就真係得佢同個當事人先知啦！

李思捷 演唱會當同觀眾開party

李思捷、阮兆祥及王祖藍三人組成的搞笑組合「福祿壽」，不經不覺已成軍十周年，所以今年舉辦十周年演唱會。李思捷指兩場演唱會其實賺唔到錢，笑稱王祖藍打個乞嚏都冇咗，依家就當開個party回報支持者。日前李思捷接受本刊訪問時，佢罕有地正面回應經常被影到有女埋身的新聞。李思捷在訪問中直斥一啲借佢上位的女仔係「戇居」！唔知佢係講緊邊個呢？

李思捷：點會唔去識女

形象向來花弗的李思捷，從來都唔驚惹緋聞，佢大方表示：「有女埋身我真係唔驚，我點都要同女士吃喝玩樂㗎啦！」思捷補充指如果自己全部friend都係男仔，講都冇人信啦，不如大大方方認咗佢：「我幾十歲啦，點會唔出去識女啫，一定出去識女㗎！」

李思捷直斥爆料博上位戇居

另外提到近年不時被影到有女仔上佢屋企，講到繪影繪聲，覺唔覺得係畀人利用？李思捷直言：「利用我嗰啲，我哋叫15 minutes of fame，係最戇居嘅一樣嘢，得嗰十五分鐘嘅啫，之後嗰幾十年，我真係唔知佢點過。如果佢識諗，識勤力啲、努力啲，唔止十五分鐘㗎！」（註：15 minutes of fame，指某人在媒體上製造的宣傳效果，轉眼即逝的知名度。）

李思捷繼續講：「你入呢個圈係為十五分鐘嘅，好，我畀你，下次唔見你咋嘛！但係唔係喎，呢個朋友做得過、呢條女媾得過，咁就唔同嘞，分分鐘係Forever & Ever嘞！」暗指嗰啲為自己製造知名度的人愚蠢又無遠見，以後無朋友做！