難得3日連假，小編今次又有好去處介紹比大家啦！
今次係坑口就有商場舉辦為期3日嘅「日本秋遊文化祭」，
等大家一次過玩曬16個旅遊＋美食攤位！
秋日文化街將為大家帶黎多個日本文化體驗！
首先就係宮城縣劍球教學～如果成功將個波插落去仲有禮物添！a
栃木縣就有芭菲製作體驗～
有專人教你用栃木縣特色材料製作芭菲！
Hkexpress檔位更加有優惠大放送！
不定時係攤位內舉行香川縣特產讚岐烏冬製作比賽，
現場都會有師傅即場教大家製作，
優勝者將有機會贏得香港至香川縣高松嘅來回機票！
如果係9月30日下午3時30分到Yurutabi閒式遊舞台，
即有機會參加問答遊戲，
大會將預備有關HK Express及日本旅遊的問題考考大家，
只要答中所有問題即有機會勝出，贏取大獎香港來回日本機票兩張！！
香川縣就有即影即有比大家玩！
影返幾張留念先啦～
鹿兒島縣仲可以比大家試整鰹魚片！
平時食章魚燒上面果啲就係鰹魚片啦～
其他攤位都有多款日本特色小食比大家試食架～
例如果醬窩夫、枇杷茶、日式高湯、蕃薯片、柑桔果醬餅乾、燒酒等等！
現場亦有日本甜品老店「八天堂」係場內設置Pop－up Store，
為大家帶來鎮店之寶－忌廉包！
仲有百貨公司設櫃出售多款日本清酒，等大家可以一邊享受美食一邊行街！
活動上亦特別安排咗YURUTABI「集章由我」遊戲！
凡到場人士只要「讚好」Visit Japan HK 嘅Facebook專頁，
即可獲得集章小冊子一本參與集章遊戲～
憑集章小冊子參加並成功完成秋日文化街各個攤位內的簡單任務，即可集得印章一個，
集齊任何7個印章的參加者可獲得精美旅遊用品一份；
而集齊14個印章的參加者則可獲波子汽水一支～
日本國家旅遊局「日本秋遊文化祭」
日期：2018年9月29日（星期六）至10月1日（星期一）
時間：中午12時至晚上9時
地點：將軍澳東港城L1中庭
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
