淘寶對於一眾購物狂而言絕對是個好東西！但相信好多人都試過買10件有一半都中曬伏，網購雖然方便但風險亦都好高，以下為大家嚴選5間相對又平又實用嘅淘寶店，淘寶除咗買衫之餘，仲有好多好嘢買㗎！保證絕對唔似淘寶貨色！
1. PaperFun
送禮物有一張靚花紙包裝真係好重要，平時環保用報紙當然好啦，但若然係大型慶祝活動如婚宴送禮，又或者送比重要人物，一張大方得體嘅花紙絕對可以留比人好印象！
「PaperFun」嘅花紙真係款款都超靚，當中嘅大理石紋款簡直係必買首選！仲有混合幾何圖案嘅花紙都好高貴優雅。
花紙除咗可以做禮物包裝外，整成一個包裝袋放禮物都唔錯啊！比人感覺連花紙都好有心思，送比人一定加分！
另外仲有出售一啲包裝用飾品都好靚好易襯！
其實包裝紙用途都好多㗎，除咗可以包禮物送比人，有時DIY機關書、爆炸盒等等，用嚟代替色紙都係一個唔錯嘅選擇！
中意花紙或者準備送禮物比另一半嘅各位，Paper Fun絕對值得你入手啊！
店舖網址：Paper Fun
2. SIMPLICITY
屋企嘅家居用品可以襯埋一set同一style，絕對令屋企感覺升級，自己用落都開心啲嘛！但要香港搵家居用品莫講話要同一style，靚嘅都已經一係好貴一係好難搵！
喱間「SIMPLICITY」對一眾家居用品狂迷簡直係恩物！入面買嘅商品多以簡約，多以素色，非常易襯！
無論係餐具架、收納籃、地氈都又平又靚，連衣物籃、湯勺、隔熱手套等等都勁靚，最緊要係買曬佢哋返屋企都唔肉赤！
而入面賣嘅商品唔止靚，仲好實用！例如旅行裝迷你除塵紙、廁所置物架、零食夾等等，總之就係一屋家居用品都有齊！
店舖網址：SIMPLICITY
3. Zigee 畫藝
如果想佈置下間屋又怕大型裝飾太曬位？不妨買畫框掛牆啊！可以因應大小掛喺牆櫃上或床頭，唔怕曬位之餘，保證成個感覺出曬嚟，睇到悶仲可以換添！
「Zigee 畫藝」係一間專賣掛畫嘅淘寶店，入面仲有唔同風格嘅掛畫揀，例如歐美風、簡約風、古典、抽象畫等，而且仲可以揀唔同尺寸，一定有掛畫啱大家心水！
中意種植物嘅朋友可以揀綠色植物為主嘅掛畫，襯屋企嘅盆栽一流！
而中意北歐風格嘅朋友可以揀動物、相片、花葉作裝飾，同樣好有外國住宅嘅感覺！
中意藝術嘅朋友就可以揀啲抽象嘅畫風，同樣好靚，係屋企影相打卡都無難度啦！
店舖網址：Zigee 畫藝
4. 東方好禮
如果大家想搵啲有中國畫風嘅貨品，但又唔想大紫大紅，不妨睇下淘寶喱間「東方好禮」！
入面所出售嘅商品好有特色，送比人同樣一啲都唔失禮！特別係佢個地氈同滑鼠墊都好得意好特別！
除此之外，仲有喱個模仿百子櫃嘅掛牆收納袋，實用之餘仲要真係好靚啊！
要選到店內必買，除咗個掛牆收納袋，就一定係喱個DIY香包套裝！單睇個包裝盒已經好靚好吸引，入面嘅材料同樣唔令人失望，整好個香包後，個放香料試管根本就可以用嚟放其他嘢，送比人都好大方得體！
店舖網址：東方好禮
5. 藝屋 HOME
相信好多人家中唔多唔少都有放植物，而要將植物襯托得好睇，一個靚嘅花樽好重要㗎！「藝屋 HOME」嘅花樽多以高尚有格調為主，大大小小同唔好類型嘅花樽都有，自問有選擇困難症真係要慎入啊～
其中比較特別嘅係喱個掛牆木板玻璃花樽，將小型植物掛係牆上都好好睇，重點係佢仲要好平啊！
而一般花樽都好靚好特別，但有平有貴，十幾蚊至幾百蚊不等，始終一分錢一分貨，大家可因應自己能力及喜好慢慢揀！
中意插花或植物嘅朋友隨時係入面被燒到啊！
店舖網址：藝屋 HOME
淘寶真係一定應有盡有嘅好地方，但貨品有平有貴、有好有壞，買之前記得先睇下買家評價，留意多啲實物圖啊，咁就可以避免買到中伏貨品！大家準備好大出血未啊！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載
