近日杜汶澤和程美段鬧出欠薪風波，峰迴路轉程美段出埋錄音做證之後，有不少網民都要阿澤道歉屈人「摶上報」，而繼於「喱騷」專頁出聲明道歉後，昨晚(1日)的節目《GENIUS BAR》中，杜汶澤亦公開道歉。之後凌晨時份程美段亦在facebook回應，指接受杜汶澤道歉，但就「唔會再同LateShow呢個平台合作」。
廣告（請繼續閱讀本文）
昨晚杜汶澤在節目內先有自稱「杜狗親身道歉」環節，話自己近日「X錯人」，連續鞠躬五次，說：「本人喺度鄭重道歉，我對之前話程美段放料俾傳媒摶見報，講聲對唔住；我哋公司嘅人應承咗佢一個禮拜出糧，最後三個月先出，好對唔住；我之前叫大家小心啲呢個人，唔好再用佢，好對唔住；我對之前對佢講嘅所有指控，都講聲對唔住。」而且更說不論對錯，要同之前佢X過的人道歉。
之後程美段亦在facebook說：「啱啱收到杜汶澤先生真誠嘅道歉，我程美段公開表示接受，同時欣賞你願意喺幾千人嘅直播中和解呢件事，非常欣賞。」不過亦說：「好多網民估我哋呢單大龍鳳，最後我同杜生可能係世紀大和解，齊齊再上LateShow Super，呢個說法實在太侮辱我哋雙方，我相信彼此當初每一隻字都係真心真意，絕無造假。所以小妹為保我同杜生嘅聲譽，只好厚住面皮單方面咁宣佈唔會再同LateShow呢個平台合作，此舉絕非割蓆，只係唔想一個70萬人嘅平台俾我有所污衊，喺度程美段祝LateShow欣欣向榮，快啲勇闖百萬。」最後更用上杜汶澤導演的電影《空手道》宣傳句鼓勵自己：「在艱彌厲 戰鬥到底」。
廣告（請繼續閱讀本文）
撰文：Tony
廣告（請繼續閱讀本文）
杜生自己都認錯, 啲人仲要鬧條女, 真係cls🙄
2019年05月02日04:44
Ching Wong 呢度咁多廢人講廢話，試吓你地比人拖糧會點
2019年05月02日05:46
Ming-刑 其實杜生一向都不是好人,佢自己都講到明，你們怎會現在才知道。我睇佢係因為好睇,唔係去睇TVB啦！
2019年05月02日06:05
Bennysan 如果唔係個女仔有堆證據，你真係信杜生會出嚟道歉認衰？咪天真啦！如果單野唔係爆曬出嚟，佢就算知道係自己公司錯，都只係會俾翻D糧個受害女仔，仲會分分鐘警告佢唔好亂講野，如果唔係咪諗住喺呢行有得撈。
2019年05月02日06:39
Wah Yip 我無睇開節目 但正常人比人拖糧然後追返好正常 點解仲要未人講到恐嚇封殺都會有人話被人拖糧個個錯 比你比人拖糧仲要比人咁屈又會好過癮咩？唔好合埋眼撐先得 冷靜想下邊邊有問題
2019年05月02日08:40
顯示全部