每逢香港有重大議題,都總有一啲政治人物鍾意去外國「告洋狀」,好似「禍港四人幫」嘅「民主阿婆」、前政務司司長陳方安生,同埋有「李漢奸」之稱嘅民主黨創黨主席李柱銘就經常去「唱衰香港」。不過,今次《逃犯條例》修訂風波,去美國「告洋狀」主力係被內官媒批評為「新生代漢奸」嘅香港眾志秘書長黃之鋒、常委羅冠聰等幾個年輕人,佢哋最近喺美國同美國國會議員會面,游說佢哋支持《香港人權與民主法案》。有時事評論員直斥係「大漢奸」交棒畀「小漢奸」,意圖「大小漢奸」合作搞亂香港。
事緣反修例風波搞咗幾個月,示威者一直都有爭取國際社會嘅關注同支持,當中包括喺美國國會通過《香港人權與民主法案》,而黃之鋒、羅冠聰等人最近喺美國,不斷游說各美國國會議員支持法案,包括出席國會聽證會唱衰香港黃之鋒,同埋與支持法案嘅美國國會參議員魯比奧(Marco Rubio)會面等,仲話嚟緊行程豐富,會繼續游說更多議員支持。
佢仲分析,話幾個月前只係得幾個議員支持,依家已增至近50人,估計有逾9成機會通過法案。其中黃之鋒仲話以前出席聽證會,都要立法會議員或者民主阿婆、李漢奸等帶住,依家就唔使人帶都出席得。咁講,係咪佢哋已經完成交棒,成為新一代漢奸?
時事評論員陳雲生認為美國本身對香港有一定嘅處理方案,但就需要一啲香港人配合,等佢哋可以出師有名,如今搵到黃之鋒等人,甘願做「漢奸」同美國一唱一和,足以證明呢班人同外國勢力關係千絲萬縷。陳又指佢哋會對入世未深嘅年輕人造成影響,社會亦需為此付出沉重代價,對此感可惜同遺憾。不過佢相信真相會有人揭出嚟,到時黃之鋒等人就要揹起千古罪名,被世人唾罵喇。
佢直指民主阿婆、李漢奸等人,近年喺香港嘅影響力開始減少,所以就搵啲年輕嘅「小漢奸」刻意包裝,再配合時勢增加影響力,實行合作搞亂香港。佢特別點名指民主阿婆有如「深宮怨婦」,但就仲好鍾意出風頭,而外國見佢仲有些少政治能量,先仲會接見下佢,所以佢先有得繼續「唱衰香港」咋!
東網網站 : https://on.cc/
東網Facebook專頁 : https://www.facebook.com/onccnews/
Roar 東網今次會咁夠薑唱衰黃痴瘋呀?⋯⋯但都值得俾個讃你!👍🏻
2019年09月18日15:02
Elsa.C 班外國人咩都唔知,只聽片面之詞,冇腦。
2019年09月19日01:20
🌈❄雪舞❅霜寧❄🎀🔔🍓🦌 如果真系愛國就唔會愛黨,搞好D官同有錢人個個逃亡去外國果D真漢奸先講啦,低智森全家都外國護照你話佢愛國呀?
2019年09月19日02:48
Elsa.C 咁鍾意外國,咪走去美國囉,成日同隔離屋講,阿媽唔俾糖食,你要咪做人哋個仔,唔好返香港喇
2019年09月19日01:22
SYY 呼吁广大爱港人士组织起来拿起家伙去慰问黑衣暴徒和卖国贼的家人,记得往屎里慰问
2019年09月19日00:39
顯示全部