廣告(請繼續閱讀本文)
廣告(請繼續閱讀本文)
結咗婚8年嘅藝人李璨琛(Sam)早兩年升呢做老竇,佢囡囡李元元憑住cute爆圓面加肥嘟嘟肚腩仔,火速成為網民最鍾意嘅星二代之一,佢個社交網已經有超過十萬人追隨,就知元元嘅魅力有幾勁!
趁住鼠年啱啱嚟到,Sam同老婆及元元出街走返轉,元元反傳統唔着紅噹噹嘅衫,選擇着《龍珠》入面「餃子」一角嘅裝束,雖然少咗喜慶感覺,不過一樣可愛到爆!小朋友玩到攰梗係要上番BB車休息吓,Sam就負責推車仔,元元坐喺嘅車度不知幾梳乎仲腳揈揈,睇真啲,佢右腳竟然係赤腳!明明之前都見到佢兩隻腳有着鞋,相信都係玩得太開心甩咗隻鞋都唔知,媽咪仲搞笑代元元喺社交網度問「#老母我隻鞋呢」。
唔少網民都話佢哋一家真係夠晒搞笑畀咁多歡樂大家,不過就有人發現Sam一家三口出街完全冇戴口罩,似乎防疫意識低咗啲,留言提醒Sam為家人健康着想,出街都係要戴番口罩隱陣。
廣告(請繼續閱讀本文)
東網網站 : https://on.cc/
東網Facebook專頁 : https://www.facebook.com/onccnews/
藍小風 冇戴口罩代表冇防疫意識!?
所以有戴口罩代表唔會發病!?諗下好啦🤔
平時毫無乾淨意識嘅人先會易中招,同戴唔戴口罩毫無關係,加上又話經眼睛結膜傳播⋯咁又係咪需要戴眼罩呢!?唔係戴眼鏡呀戴眼鏡保護唔到㗎有洞有空氣流動⋯咁不如著到成個太空員咁啦⋯密密實實⋯裡外消毒,包保你唔會中招!?都係諗下好啦🤔
呢隻新型冠狀病毒潛伏期好長⋯所以經我推測,無任何其他病患/愛乾淨/有潔癖/健康嘅人係唔會受到感染!
但本身有其他病患嘅人/高年齡人仕/免疫力較低係有機會中招丶再加上平時手腳唔乾淨/四周圍摸(摸完唔洗手消毒)再摸下自己眼耳口鼻嘅人都有機會中招!
並非戴口罩戴眼罩就可以了事❌
一定要99%消毒!!!
2020年01月26日07:29
顯示全部