○八年，蔡少芬Ada與張晉結婚，先後誕下兩位可愛女兒張楚兒和張信兒，Ada曾努力追仔一段短時間，不過六年前已與老公協議「封肚」；誰知去年十一月生下第三胎，這個金叵羅原來是意料之外，張晉得知老婆懷孕一刻，第一個反應竟是擔心，Ada更喊到收唔到聲！
囝囝取名張樂兒，Ada剛剛為他剃光了頭髮，發現樂兒頭很圓，現在一家人都叫他做「魚蛋」。
一家五口特別穿上唐裝，為《明周》拍攝全家福，向讀者拜個早年。
蔡少芬曾在內地綜藝節目透露，懷第一胎時曾不幸小產，直到半年後再次懷孕，當時正拍攝《甄嬛傳》，她和老公張晉曾經想過要放棄拍攝，但因為已簽了合約，又不想影響劇組，直到拍完整部劇，Ada才將這個好消息告訴劇組人員，當時大家都非常驚訝！
去年懷第三胎，Ada亦充滿「驚」與「喜」，張晉說：「第一個反應不是開心，是好驚和擔心。」Ada解釋：「老公第一句就係『死啦』！我第一個反應就係咁喊，我們沒有想過會有第三胎，所以之前亦沒有做過任何準備，當知道後，馬上就好驚，立刻想有沒有做過什麼會影響胎兒？例如之前身體檢查的時候照過X光，亦都有吃一些孕婦未必應該吃的藥物等等。」當時兩公婆馬上祈禱和詢問醫生，「問了很多，才安心下來，其他就交給上面那位解決，我們很欣然接受上天這份禮物。」
Ada說陀第三胎時比較輕鬆，加上老公很有經驗，幫輕不少，她說：「他很sweet的，幫我剪指甲腳甲，其實又不是什麼轟轟烈烈的事，起碼沒有跌倒，要他墊地囉，哈哈！但他很細心幫我拿袋、駕車、扶吓我，我好似變了皇后。」張晉說：「三胎都是這樣，總之她做不到的，我都幫她做。」
自大女楚兒出世後，Ada家中有個磅，每天都會幫BB磅重和記錄，Ada笑說：「那個磅之前送了給表弟，我原本沒想過會再生小朋友，不過表弟知我有咗，又將個磅拿回給我，我日日都幫BB磅重，見他重咗，我會好開心，證明自己啲奶有用。」
Ada說陀第三胎時比較輕鬆，加上老公很有經驗，又幫她剪指甲腳甲。
剛剛坐完月，Ada現在開始進補，最驚不夠奶水，她說：「現在日日都瞓唔到，BB飲完奶，陪他玩一陣，有時玩玩吓，他又唔願瞓，又玩到下一part飲奶的時間，就算BB瞓覺，因為囝囝有我們家族遺傳的鼻敏感，我好擔心他鼻水倒流呼吸出現問題，所以我瞓得好差。而且我餵全人奶，成日都驚冇奶，見他飲完奶，好滿足咁笑，我感覺自己俾埋條命他都可以，但見他食到成口奶漏出來，我就好肉痛，真係滴滴皆辛苦呀！」
問Ada產後有沒有戒口？她說：「好多人話唔飲得咖啡、唔好飲凍嘢、食清淡啲，不過我醫生話凍嘢飲得、辣嘢食得，所以我都照飲照食，但我唔會食『收奶』的食物，例如乳鴿、豆豉等等，其實我好鍾意食榴槤，我陀仔時起初都成日食，不過俾人鬧，之後有朋友話食榴槤驚啲小朋友有濕疹，所以我之後冇食了，以上都因人而異啦，個個體質不同。」
農曆新年前夕，蔡少芬與張晉和兩位女兒寫揮春，Ada希望楚兒和信兒「活潑可人」。