與餐廳員工互撐　黃宗澤：盡量唔會執！

黃宗澤（Bosco）於尖沙咀有開設餐廳，現時疫情對生意影響甚大，Bosco坦言全香港餐廳、食肆都共同面對這個難題，這位「好老闆」就向員工大派定心丸：「我好錫佢哋，我同佢哋講，我頂到幾耐會頂幾耐，唔想佢哋失業，依家都好難搵工。總之盡量唔會執，我啲員工亦好錫我，有乜嘢大家互相配合，依家啲冇薪假、消大假都係佢哋自願嘅，大家互相支持、幫助。（有冇要求減租？）傾緊，大家共度時艱。」問到有否計算此期間蝕了多少錢？他說：「蝕幾多就唔好去諗嘞！愈諗就愈傷感，大家生活都咁艱難，互相撐落去啦！」

東網網站 : https://on.cc/

東網Facebook專頁 : https://www.facebook.com/onccnews/