被邀做短期情人　鄭希怡晒Fit爆Body

藝人鄭希怡於無綫劇《法證先鋒IV》入面飾演索爆品酒師侯敏莉，亦是高級化驗師高安（黃浩然）的女友，昨晚一集講到侯敏莉獲集團總裁黎駿宇（陳少邦飾）之邀，到其公司傾合作之後再出席酒會，黎駿宇更送上晚裝裙給侯敏莉以表合作之誠意，侯敏莉穿上該晚裝先上黎駿宇之公司，怎料黎駿宇卻表態指自己真正目的是想以五百萬邀侯敏莉陪去外國作「短期情人」，侯敏莉覺得被侮辱，即除下晚裝外套拋還給對方，憤然離開！

鄭希怡演出這一幕，可謂將其Fit爆身形盡展，穿上性感晚裝略露長腿，已經相當吸精，之後，除去晚裝外套只剩下吊帶背心裙，伏在高安身上痛哭一幕，亦不經意地把美好身材盡展，不過黃浩然好快將西裝外套搭上，眼快先看到，不少網友大嘆「走寶」！

陳少邦接受東網訪問時坦言不介意做奸角，而且覺得好玩，他謂：「如果大家覺得我做得衰、又夠奸，都唔知幾樂意。某程度做奸角研究劇本時係好玩嘅，好開心可以拍到小青姐榮休之作，畀大家一個奸奸哋嘅印象，亦好開心做到一個咁嘅角色。」

東網網站 : https://on.cc/

東網Facebook專頁 : https://www.facebook.com/onccnews/