銅鑼灣書店前店長林榮基,在《逃犯條例》修訂的威脅下,昨日離開香港前往台灣,望長期定居,他接受《立場》專訪時表示,形容自己是「流亡」離港,一切迫於無奈,「引渡條例,我呢啲被通緝,擺明一通過就死得,一定拉上去,我唔走唔得」,他表示從未想過,作為香港人會有流亡的一日,「香港沉淪得太快」。台灣陸委會發言人邱垂正表示,已核准他在台灣停留一個月,若要長期居留可依法申請。詳見相關報道。
林榮基形容《逃犯條例》修訂是「將大陸法律拎嚟香港用」,政府一直強調法庭會把關等完全不可信,「香港政府而家係信唔過架!」他呼籲香港人星期日上街遊行,反對《逃犯條例》,「03年上街有無用?係證明咗有用,唔去睇有意思嘅嘢,就一味去否定,話無用無用,你自己唔去做就梗係無用」。
林榮基昨日離開香港,目前身在台北在酒店暫住,他表示抵達台灣後心情已經和在香港不同,雖然當地都有類似愛國同心會等大陸組織,但已經不需再提心吊膽,「今朝起身出街,都唔使擔心左望右望」。
他形容《逃犯條例》修訂,等於將大陸法律套用到香港,「唔止係我一個仆街,而係所有香港人都仆街」;修訂一旦通過,他這種被大陸通緝的人「一定出事」,但佢可怕是無人知道自己是否被大陸「通緝」,「你知唔知你有無被通緝?你唔知,佢唔會話俾你聽,但當你過海關,就會拉你埋一邊,話大陸政府通緝緊你,唔俾你出境,按新引渡條例等大陸提供證據,將你引渡去大陸。」而這個過程,完全是「合法」,「而家係將法律當做武器」。
政府在推銷《逃犯條例》時,經常強調香港法庭會把關,條例亦保障人權,但林榮基就認為,這些說詞完全不可信,「大律師公會,各法律團體所有提出嘅疑問,佢有無解答?佢點解唔答,因為答唔到,你解答唔到嘅嘢,你叫香港人相信?」他批評,特區政府和北京承諾香港人有普選,結果承諾落空,根本毫不可信,「我唔明點解香港人仲可以信佢。」
他認為問題的關鍵,是大陸的司法制度完全是黑廂作業,「你睇我經歷就知,罪名係唔需要審訊,我無見過法官,無辯護律師,佢話你有罪就有罪,精神虐待到我幾乎自殺。」而在他眼中,香港法庭所謂的「保障」,同樣不可信,「你睇睇九子判刑,同太陽花學運有無唔同?明明係無罪就話佢有罪,墮落到咁啦香港」。
林榮基一再呼籲,香港人盡力抵抗惡法,星期日的遊行應該站出來發聲,「香港再沉淪落去,每一個香港人都有責任,你要去反抗」。
守護言論與新聞自由。立場新聞,寸步不退。
每月贊助支持立場新聞
渣俊 Line 都咁多五毛?
身有屎?將史實拎出黎講俾大陸列為禁書,講六四俾人通緝,你今日仲可以係度留言都係因為香港未死得哂,到死哂個陣?返去用你既人人網同微博啦。
叫人滾?到底香港仲有幾多人有良知?有批判性思考?
2019年04月26日10:51
張智德 殘酷又現實,有力能移民外地,逃避中共,已經算幸福的一羣了。
2019年04月26日11:52
Paul Good decision. 香港及國内有份量的人都有外國護照 不用担心
2019年04月26日10:54
一條俊男 遊行?03年都仲得,但而家……?你諗下每年有幾多大陸人來咗香港?而去遊行嘅人數就算同03年一樣,比例上已經係少咗起碼三分一啦!咁數字上政府見到唔係好多人反對之麻……。遊行仲有用咩?作為一個土生土長嘅香港人,見到現在香港變成咁係好可悲但又好無奈!鬼叫我哋係蟻民咩?唉…認命啦…!
2019年04月26日11:48
Lewis Lam 吾止要走,,一定要唱通全世界,,,俾全球人知,,,,俾狗共侵佔,,就如染上伊波拉
2019年04月26日11:26
顯示全部