【蘇跑旅遊】遊荷蘭最美鬱金香花田　避開人潮另類體驗方法

Keukenhof（庫肯霍夫），荷蘭文意思為Kitchen Garden（廚房花國），因為喺15世紀時公園內主要種植貴族廚房所需要嘅草藥同蔬菜而得名。公園佔地33公頃，約有5.6個香港大球場面積，擁有Garden of Europe（歐洲花園）美譽，公園種植約700萬棵花卉。庫肯霍夫公園每年3月下旬至5月中旬對外開放。

聽說鬱金香是由波斯文中的「頭巾」而來，仔細睇鬱金香的外貌，真的有點似中東人頭上所包的頭巾，後來拉丁文又將頭巾轉變成了「Tulipa」，成為現今英文的「Tulip」。

荷蘭的冬季嚴寒又漫長，在二次世界大戰期間，當地人為咗生存抵擋當時嚴重飢荒，就靠食鬱金香的球根來度過艱難時期，所以荷蘭人非常珍惜愛護鬱金香，並奉為國花。

• 自行開車：庫肯霍夫位於阿姆斯特丹和海牙之間，可通過A4高速公路（Nieuw-Vennep出口）和A44高速公路（Lisse出口3）抵達。
• 搭賞花接駁專車：可購買套票，包括來回車票同庫肯霍夫門票。套票為30歐元（約265港元)。在開放季節，賞花接駁巴士從阿姆斯特丹機場和萊頓中央火車站直達庫肯霍夫公園。

筆者由Europaplein（RAI）岀發，按指示坐852號接駁巴士到庫肯霍夫公園，班次約8至10分鐘開岀，車程約40分鐘，旺季約4月中到5月上旬往公園路面情況較繁忙，建議岀發前先食早餐或預留塞車時間。

公園裡面設施很完整，餐飲區、兒童遊樂區都有，園內仲有一個植物迷宮，迷宮出口的瞭望塔上可以看到公園外的花田。花農近4月下旬就會收割花田的鬱金香，想睇公園外的花田，建議4月中旬到公園探訪最為合適。

公園各處栽種著不同品種嘅鬱金香同花卉，有啲喺溫室種植，有啲堆砌咗巨型圖案，有啲變成美麗佈景供遊客打卡。筆者建議早上開館時就進場，因為中午過後等待接駁專車的人龍會排得長長，而且最好先到官網購買套票，就可以減少排隊購票入場時間。

官網購票

想另類啲欣賞大片鬱金香田，筆者建議騎單車遊花田，喺庫肯霍夫入園大門處有單車岀租，可以閒遊庫肯霍夫花園周邊的花田，總共有四個條行車路線。

租單車價錢為8歐元（約70港元），便可以一天遊盡公園外的花田。圖中1、2號區域的花田色彩較為繽紛，遊客偏多，筆者就選擇到區域4、遊客較少的花田，咁就任影都唔擔心有遊人入鏡。

計劃租單車遊花田嘅讀者，記得要帶備護照，以作登記。老闆會給你粉紅單張，還車時需要一併歸還。希望今次的分享可以畀到大家一個另類遊荷蘭花田體驗啦！

庫肯霍夫 Keukenhof
地址：2160 AB, Stationsweg 166, 2161 AM Lisse, Netherlands
官網：https://keukenhof.nl/en/
開放時間：2019年3月21日至5月19日，上午8時至下午7時30分
票價：17歐元（約150港元）

荷蘭基本資料
地理位置：西北歐濱海王國，東鄰德國，南接比利時，北臨北海，與英國、丹麥、挪威相望
時區：比香港慢6小時
簽證：持有香港特區護照可免簽證
官方語言：荷蘭語、英語（80%）

撰文及攝影：蘇兒（Zoe）
鍾情於打排球同跑步嘅女生，閒時環遊世界發掘美景。期望可以跑晒世界上有名嘅馬拉松。