廣告(請繼續閱讀本文)
沙田牛皮沙街發生致命交通意外,的士與一輛寶馬私家車迎頭相撞,的士司機送院搶救後證實不治;的士乘客及寶馬司機受傷,情況危殆。
事發凌晨12時許,一輛的士接載一名女乘客,沿牛皮沙街落斜行駛,駛至香港恒生大學對開時,由於現場路面上落斜各有一條行車線,但疑因落斜方向有多輛重型貨車違例停泊,阻塞路面。的士駛經時部分車身越過行車線,其時一輛寶馬私家車迎面駛至,的士與寶馬迎頭相撞。
意外後,的士及寶馬嚴重損毀,68歲姓周的士司機與62歲姓陳女乘客受傷,一度被困,要由消防員救出。其中的士司機頭部及胸部嚴重受傷並昏迷,被送往威爾斯親王醫院搶救,延至凌晨1時13分不治;33歲姓趙寶馬司機亦受傷,他涉嫌危險駕駛引致他人死亡被捕,現正被扣留調查。
新界南總區交通部特別調查隊正跟進案件。警方指會循是否車輛阻塞路面、司機的駕駛態度、是否疲倦或酒後駕駛方向調查,呼籲任何人如目睹意外發生或有資料提供,致電3661 1300或3661 1348與調查人員聯絡。
建立時間:06:35
更新時間:13:58
A k a n e 唔該處理埋一大堆車蝗蟲落黎既阻街大旅遊巴!
佢地消失哂條馬路會乾淨好多
2019年04月26日08:35
Marcus Yan いか 小弟唔係揸搵食車,但都想話
其實香港冇幾多個停車場肯收啲大車,
例如旅遊巴、吊雞、泥頭、田螺、拖架……
有時見佢地硬食牛肉乾都替佢地慘。
當然小弟唔係話違泊係正確選擇,但佢地又真係冇得揀…
2019年04月26日04:32
山區老師 我覺得係標題誤導,撞車位三架車都夠過,黑車係都要貼中線行唔讓,的士係都要抽出去,但個個都以為關架貨車事,跟本就唔關事,而加做新聞的人真低劣,未審先判。
2019年04月26日03:49
Ming 其實衣家好多車主好吾負責任,本身違泊,重要停係路口,如果有行人過路,D車轉入路囗時,未必睇到有行人,係D屋邨邨內班馬線前,都好多違泊,D管理員都睇吾惦,有D車主有良心,都會開慢D,探個頭出來望望,但有D真係望都吾望,D小朋友細粒,班馬線前又有違泊車,小朋友一出,D司機先見到有小朋友走出來。
2019年04月26日03:22
Francis 識渣車既都知道 前明有車阻住要停一停或者收慢睇到無車先cut線 個的士司機明顯係駕駛態度差 終害人害己
2019年04月26日02:56
顯示全部