廣告（請繼續閱讀本文）
陳展鵬及林夏薇等一眾無綫劇《逆天奇案2》台前幕後，今天（15日）到尖沙咀出席祝捷會，慶祝該劇收視報捷、高層鍾澍佳生日及姜大衛得獎。
陳展鵬及林夏薇笑言該劇因有好成績，已有多次慶祝飯局，要想辦法減肥，但仍未輪到他們請客。有網民投訴林夏薇戲分少，她說：「我都收到呢個信息，指我好少出場，大家畀啲耐性，之後會愈來愈多。」陳展鵬笑指林夏薇是時候發力。
2人表示很開心姜大衛得獎，陳展鵬說：「我返無綫第一套劇《ID精英》，姜大衛演我爸爸，所以見到佢得獎好感動，佢無論演乜嘢角色都有初心，睇佢幾謙虛，喺佢身上學識好多嘢。」
廣告（請繼續閱讀本文）
早前太太單文柔於社交平台的影片濾鏡突然失效，被網民發現她的身形豐滿疑有喜，陳展鵬笑道：「我唔知，有咗咁大件事唔會冇話我知，佢一直保持準備狀態，最衰都係我，我都一直預備緊，個問題一定喺我度，我返去問問先，有好消息會話畀大家聽。」
（即時娛樂）