黎諾懿話家人負責試菜，過到太太的一關就沒問題。
黎諾懿及李家鼎（鼎爺）今日於尖沙咀出席無綫飲食節目《滿足的味道》記者會，黎諾懿表示今次節目雖然六集，但共拍攝了八個月時間，製作相當奢侈，可能公司未必再拍第二輯。他表示經常在家顯廚藝，太太及家人同樣有口褔，「太太當然係我最大嘅fans，況且我現在又身兼一個羣組嘅創意總監，都要太太及家人試菜，過到太太一關就無咩問題，不過佢每次一見我玩花臣就擔心，怕我出事，但有時候我又想在食物上有唔同嘅創意。（會唔會加料整蠱太太？）梗係唔會喇，整蠱佢咪即係整蠱自己，佢唔肯食咪又係要我食晒，我唔會咁傻囉！」問到他是否開始減產拍劇，主攻綜藝，他說：「拍劇就暫時一年一套，除咗綜藝，我都好享受拍劇，因為可以演唔同的角色！不過綜藝就自由度比較大，可以分配到時間俾屋企人，自己都想家庭及事業都平衡得到。」
廣告（請繼續閱讀本文）
黎諾懿又出飲食節目。
今次節目中更邀請到李家鼎擔任嘉賓，令他獲益不少，「每次合作都可以在阿爺身上都學到好多嘢，因為鼎爺係一本活字典，唔識嘅嘢都可以問佢，真係無鼎爺，我都開唔到飲食節目，所以有機會再開一輯，依然要鼎爺出現幫忙。」
廣告（請繼續閱讀本文）
今次有鼎爺做嘉賓，獲益不少。