港隊星級羽毛球選手謝影雪，自去年底完成最後一場年終賽後宣告暫別球壇，昨晚她在社交平台分享，去年 6 月確診類風濕關節炎後，照 MRI 過程中意外發現盆腔有一粒大約 7.5cm 的瘤，但礙於當時因為要備戰奧運而無法立即進行手術，直到完成 2024 年所有任務後，過去一個月終於有時間見醫生做詳細檢查，昨天早上醫生亦已經順利將粒畸胎瘤切除。
圖 / ig@tseyingsuet
謝影雪在帖文中表示，看見很多人都為 2024 年作出回顧，但對她來說，2024 年好多事都充滿痛及眼淚，所以自己一直都不敢再去回帶一次，每次回想過去一年都總覺得上天不斷給她考驗：「雖然我唔敢再每一件事細想，但如果要回顧，主要係好想多謝身邊一直幫助我嘅每一個人，亦都多謝自己堅持，令所有唔如意嘅事都一一克服，包括昨日我入院做人生第一次全身麻醉嘅手術。」
圖 / ig@tseyingsuet
她表示，去年 6 月確診類風濕關節炎後，在照 MRI 過程中，意外發現盆腔有一粒大約 7.5cm 的瘤：「但當時因為要準備奧運而無辦法立即進行手術，直到完成 2024 年所有任務後，過去一個月終於有時間見醫生做個詳細嘅檢查，然後到昨日（21 日）早上，醫生已經順利將粒畸胎瘤切除。雖然自己職業生涯都遇過唔少傷病，但第一次要全身麻醉去接受手術，自己都唔多唔少緊張，慶幸手術順利完成，多謝醫生、麻醉師及護士們嘅專業照顧，亦抱歉之前未有好好交待，要大家擔心。」
圖 / ig@tseyingsuet
踏入 2025 年，謝影雪強調自己仍然未肯定甚麼時候真正退役：「畢竟打咗咁多年比賽，自己都唔知係唔係捨得放下球拍嘅感覺，但嚟梗新教練即將上場，自己仍然好期待去接受任何新嘅挑戰，希望新一年，除打波外，可以發挖到自己另一方面嘅長處，亦都希望自己可以身體健康，告別所有傷病。」
此文章由「香港運動筆記」最初發表於 https://reurl.cc/eG7RAM