比利時國家隊🇧🇪教練泰迪斯高出席記者會表示「我哋係3月就決定迪布尼將會成為球隊隊長，而盧卡古同古圖爾斯將會一齊做副隊長，佢哋係球隊地位一樣。我哋決定盧卡古對奧地利🇦🇹比賽戴上隊長臀章，而古圖爾斯對愛沙尼亞🇪🇪比賽戴上隊長臀章。但係上場比賽完咗之後，古圖爾斯行過嚟同我講話自己被冒犯，佢依家就要返屋企🫠。」
泰迪斯高又話「古圖爾斯受傷？我無同佢傾過呢個話題，我哋只係傾過同隊長有關嘅問題。我希望自己可以話古圖爾斯受傷，但係我唔可以講大話。我成日都想保護球員，但係呢個情況下係唔可以😎。」
廣告（請繼續閱讀本文）
龍門古圖爾斯之後就係社交網站作出反擊，古圖爾斯表示「今次唔係我第一次或者最後一次同教練去傾更衣室問題，但係今次係第一次有人公開講出嚟。我覺得好失望，但我想講嘅係教練講嘅野同現實唔符合，更重要嘅係我無要求任何野😩。」
古圖爾斯又話「我係琴日下晝針對右邊膝頭哥做咗檢查，我仲聯絡咗球隊同埋國家隊醫療團隊，從而先至作出離開國家隊訓練營呢個決定🙃。」
▼ Follow Football.jai 足球仔
廣告（請繼續閱讀本文）
Facebook: https://www.facebook.com/football.jai
Instagram: https://www.instagram.com/football.jai/
Benny 呢條都係麻煩友。
2023年06月20日06:42
顯示全部