昨晚（28日）吳鎮宇與彭秀慧一同出席《談判專家》謝票活動時，同場宣布電影票房衝破1,600萬，他們對口碑和成績理想感到鼓舞，而一向較少謝票的吳鎮宇笑說今次出動，是因為拍檔劉青雲上星期經已現身，自己也不得不公開謝票，但他補充謝票是答謝大家支持，而不是靠這個方法推動票房。
《談判專家》由邱禮濤執導，劉青雲及吳鎮宇主演，劉德華及彭秀慧則客串演出，電影上映兩星期已錄得1,600萬票房，因此吳鎮宇聯同彭秀慧罕見出席昨晚謝票場。被問到為何甚少謝票，吳鎮宇回想幾年前在《逆流大叔》上映時，謝票就如返工一樣，不斷去旺角謝票，原因是當時覺得那部電影不錯，希望有更多觀眾入場。
吳鎮宇又表示：「（謝票）的確係辛苦過拍戲，同埋係冇Point，因為一部電影要成功，先去答謝觀眾，冇得一嚟就用謝票去搶票房，要係有票房先去答謝人，唔係用呢個方法去推動票房。」問他會否再出來謝票？吳鎮宇說：「其實我哋好忙㗎，我哋唔敢隨便應承，之後要3個月先返屋企，我個行李係大到搭唔到高鐵，真係要3個月後9月中才返到。」他又指導演邱禮濤比演員更忙，同一戲院有兩部他的作品同時上映，「頭先佢爭啲畀人拉去《海關》（海關戰線）度謝住先。」
《談判專家》票房不錯，拍檔劉青雲曾提議原班人馬上陣拍攝喜劇版，吳鎮宇認為沒所謂，甚麼題材也可以，又笑言自己時日無多，若有新導演不嫌棄他，打開大門讓他吸一口新鮮空氣，他定必全身奉獻，期望能夠幫助新導演將來成為下一個許鞍華或徐克。
同場出席謝票的彭秀慧，對於謝票有另一見解︰「我用導演身份，真係想多謝入場的觀眾，同埋有機會同觀眾對話，感受到大家的反應，有機會再講多啲戲以外的故事。」彭秀慧直言今次十分榮幸一次過與劉德華、劉青雲及吳鎮宇三大型男合作，要將這事好好紀錄下來，亦要請導演邱禮濤食飯答謝。
彭秀慧提及當她獲邱禮濤導演邀請時，她一口答應，笑言知道跟劉德華合演，戲份一定不會刪減，但直到看到服裝後，才知道自己與對方合演患有精神病的夫妻。「不過作為演員真係咩角色都要演，無所謂。我私底下都係呢個造型，只係大家比較少見。」