熱愛跑步的梁諾妍（Inez）今年3月誕下細女Beryl後極速收身，上周宣布將與丈夫洪永城一同參加馬拉松比賽。連日來努力練跑的她卻突然入院，昨天（30日）在社交平台上載身在醫院病房吊鹽水的相片，表示剛做了一個小手術，可能要休息一個星期才能復跑。不少網民看見照片後，均擔心Inez為何入院開刀，Inez隨後再出Post報平安︰「多謝大家關心，只係小手術，身體生咗粒瘡仔要攞走佢，不過因為未埋口所以未跑到步住。可能大家呢1-2個星期見唔到我update跑步，好快重返跑道！今日已經繼續工作，很順利﹗」
（即時娛樂）