上集講完氡氣，今次再同大家分享另一個在英國置業時要特別留意的健康風險——「石棉」。對於很多香港人來說，石棉兩個字應該不陌生，香港政府都拍過不少電視廣告提醒市民，石棉對健康的威脅。但到底石棉是乜？甚麼建築材料含石棉？點清理至安全同合法？
石棉又叫石綿，是一種天然礦物質，由好多細小的纖維組成，要用顯微鏡至睇得到。石棉因耐熱、耐火、耐腐蝕、耐電、絕緣及保溫等功能，在50至80年代，被廣泛用於建築材料中，現時英國好多舊樓都仲有。
由於石棉在現實環境中廣泛存在，但可能因風化或含石棉產品（如絕緣材料、汽車煞車和離合器、天花板和地磚以及水泥）的損壞同分解，而飛散於空氣中，當被吸入人體後，好容易誘發肺病，甚至肺癌等疾病。
舊建築內往往仍以石棉作為建材，如果處於良好狀態和不受干擾情況下，即係「唔搞就無事」，正常石棉是「不會」分裂同釋出石棉纖維。但日子有功，石棉逐漸老化，或全屋翻新、拆卸同做其他工程時，就有機會令含石棉的物料進入空氣。
1999年，英國已禁止石棉進口，而歐盟亦要求成員國，最遲在2004年底前通過立法禁用石棉。國際癌症研究機構亦將所有形式的石棉歸類為對人類致癌的物質。石棉會導致間皮瘤、肺癌、喉癌同卵巢癌。患有呼吸道慢性病的人，對石棉的影響會更敏感。
根據英國法律，無論商業或民宅，如果您的物業在2000年前建成，就需要有石棉報告來了解石棉的威脅情況。如果報告中發現石棉，一般建議是在該建築部分張貼警告標識，儘量使其「不」受干擾。英國健康安全局（UKHSA）不建議自行清除石棉，包括拆卸同棄置。如需要清除的石棉，應該先找Local Council查詢。
住宅物業常見使用石棉位置，可到HSE查看https://www.hse.gov.uk/asbestos/diagrams.htm
更多資訊：https://www.gov.uk/government/publications/asbestos-properties-incident-managemen
英國專業驗樓師UKSnagging
https://facebook.com/UKSnagging
註：專欄作家言論不代表本網立場
密切留意BossMind動向！立即CLS