鄭杞瑤去年左耳突發性失聰　挑戰摸黑夜潛考「A牌」

ViuTV《潛在挑戰中》首集提到鄭杞瑤（Kylie）於去年患上突發性失聰，左耳聽力不足3成，飽受耳鳴困擾。而今晚（9月18日）播出的第三集，四位挑戰者葛綽瑤（Yoyo）、鄭杞瑤（Kylie）、陳映同（Lezlie）及程人富到埗菲律賓，其中一項考核需要深潛超過一定深度，Kylie直言：「我自己本身都幾驚，今次話要潛過18米，臨落去嗰下都好驚隻耳仔，今次好慢好慢咁落，feel到壓力無咁勁，一路接近去到19米都OK，今次反壓反得好順利。」程人富問：「你第一次感受到慢嗎？」Kylie感到安慰：「我人生好少會慢，但唯一令我可以慢嘅就係個海。」

另外，四位藝人更於晚上挑戰首次夜潛，志氣高昂，決意要在當地完成「進階歷險潛水課程」（俗稱A牌）餘下的考核。對於夜潛，Yoyo 和Kylie指自己主要怕黑，缺乏安全感，而Lezlie落水前感到不適，需問節目組拿白花油提神。

程人富坦言自己最驚夜潛：「我記得以前考完O仔之後，教練即刻問我想唔想考A，佢一講到要考夜潛，我即刻話『算啦唔使啦，我應該都唔會夜潛架啦。』我唔知睇唔到嘢嘅時候，我心態係咪仲可以好似日頭咁輕鬆，因為我覺得心態輕鬆先可以做到啲技巧。」