年近60郭富城 時隔8年紅館再開個唱 觀眾竟大呼「回水」 三大出事位證大不如前？

1. 郭富城共13場ICONIC世界巡迴演唱會2024香港站於紅館舉行，原來對上一次紅館個唱，已經要數到2016年《舞林密碼》

2. 時隔8年，不少觀眾都引頸以待，但自演唱會主題曲《EXIT》推出，到演唱會rundown都明顯「出事」，有網民質疑「郭富城同 小美 你哋搞乜嘢。」大呼要「回水」

出事位一《EXIT》歌詞老土

· Aaron經理人小美多年來都是郭富城主要填詞人之一，但新歌《EXIT》推出後，即惹來大量負評。

· 唔少人都提到，首歌曲同編舞叫做收貨，但小美填嘅歌詞就出晒事，歌名似告別舞台不在話下，其中「一起高呼 一起鼓舞 慕 慕 慕」、「一起歡呼 一起跳舞 大踏步」、「愛上跳舞 太開心」，猶如小露寶 歌詞

· 有網民留言指「這首歌最大問題最致命的就是詞，很差！真的很差！非常老土同時令人聽到好尷尬！」，直指小美應放手將歌詞交予其他人

· 亦有網民指「啲詞世界級垃圾」、「係咪張如城填詞架？」、「仲搵小美填就聽死喇」、「點解咁都出得街」、「好似小明上廣州」，直言到演唱會時寧願播純音樂，「唔想聽到尷尬」

出事位二 演唱會造型災難

· 演唱會造型一向係Aaron一大賣點之一，多年來經典「杜拉格斯頭」、超級透視裝，抑或女裝閃石外套，一樣無違和感

· 但今次首場演唱會造型一出，即被質疑「係咪得罪咗造型師」，當中金色鬈髮造型被譏「似公仔麵」；而橙色Sharp Cut 兩層髮型，則似「湯碗加掃把」

· 事實上，今次演唱會都是源用多年來與Aaron合作無間的殿堂級美術指導張叔平 ，可惜慘被網民指「點解成場都要帶啲XX假髮，我知不嬲個風格都係大膽同前衛，但都唔係咁呀」

出事位三 Rundown混亂 太多廣告

· 演唱會多贊助商本來係主辦單位之福，但太多觀眾就會生厭。有觀眾投訴，Aaron代言的月餅廣告「最尾encore係用佢首廣告歌做結尾，仲要全場同佢做手勢幫佢買廣告」，指感謝贊助商環節佔據演唱會太多時間，「寫書法」直情變廁所位，令觀眾度日如年

· 亦有觀眾投訴，Aaron賣點一直都係跳唱，但演唱會的快歌較過去明顯減少，《 第四晚心情 》、《唱這歌》等都欠奉，經典嘅「Generation X」沒有出現，由於部份歌曲過於冷門，令現場氣氛一般，如「城城話要唱國語歌，個個都以為係《 對你愛不完 》，點知唔係，我真係呆X咗。叫我點樣去high同enjoy?」

· 更有網民質疑，郭富城體力已不復當年，所以要減少快歌，「跳唔到咁多啦」。有網民建議「唔跳都可以企係到郁下手唱，Dancer主舞」、「或者學黎明咁坐低唱快歌」

3. 首場演唱會大量劣評後，Aaron團隊急改善，如之後場次肉酸假髮已消失，並加上《狂野之城 》等hit歌，有網民大讚團隊從善如流：「城城keep住舞台有嘢睇一啲無揸流攤，有感動位，畢竟年紀大咗唔可能好似以往咁勁跳唱，但慢慢轉型多啲心思設計嘢同樣精彩」

4. 郭富城將搭入花甲之年，身型依然甚fit，體力不及全盛時期情有可原，但團隊與現今世代出現代溝是不爭事實，畢竟小美今年63歲；張叔平都年屆70，當年「Generation X」開始踏入退休年齡，Aaron要繼續在舞台發熱發亮，看要一眾舊人要捨得放手

▼Follow 娛頭
Facebook: https://www.facebook.com/profile.php?id=61554772610166