Anson Lo新歌〈MONEY〉MV上架半日 貪錢露全額吸70萬Views

昨日(22日)盧瀚霆(Anson Lo)新曲〈MONEY〉MV上架，只是短短11小時，就吸到70萬觀看次數，神徒相當支持。今次是Anson Lo相隔9個月再推出跳唱作品，MV中他更扮演一個貪錢銀行家，造型都相當突破，他指希望為大家帶來新鮮感，包括露全額和戴賊仔帽。

今次填詞的是林寶，雖然MV主角是貪錢銀行家，但Anson Lo更希望新曲能道出金錢不是萬能這道理：「我呢個銀行大佬好鍾意見到好多顧客，用自己心愛或珍而重之嘅嘢同我換錢，見到大家咁貪錢，我都好開心，因為我嘅價值觀係好鍾意錢，呢個世界都應該咁樣做……相信每個人都有自己想要捉緊嘅回憶、好珍貴嘅嘢，例如：親人、寵物、情侶送俾自己嘅禮物……有好多嘢唔係淨係金錢先可以做到。」
他更說今次造型自己都有份構思：「其中銀行大佬Look係新嘗試，入行以嚟未試過喺表演上全額露俾大家睇，之前承諾終有一日會咁做，終於揀咗今次嚟試！」