由余安安、羅敏莊、陳凱琳主持的《日日媽媽聲》第二輯，昨晚（23日）播出第4集，請來周汶錡（Kathy）、麥秋成及鄭衍峰擔任嘉賓。
鄭衍峰與身在加拿大的媽媽隔空對話，入行近6年的他透露，入行初期並不如意，積壓不少壓力，他返加拿大探望父母時情緒大爆發：「嗰次因為工作問題，同爹哋媽咪有啲拗撬，之後我發好大脾氣同掟嘢，仲崩潰到喊咗出嚟。」鄭媽媽傾聽兒子訴說往事時，忍不住眼泛淚光，鄭衍峰亦趁機就相關事件向家人道歉。
廣告（請繼續閱讀本文）
鄭衍峰又提及鄭媽媽前年曾接受頭部手術，當時他已請假返加拿大陪媽咪，但他依然自責做得不夠好，「我見到媽咪醒番冇事先返香港，但照顧唔到佢成個康復期，作為獨子我覺得自己可以做更多嘢，嗰刻應該要陪媽咪多啲」。
新手爸爸麥秋成則按製作組安排體驗「陣痛」感覺，痛到七情上面的他，不忘向太太湯怡暗示想追多個小朋友，麥秋成說：「老婆你生第二胎時，我覺得要陪你多啲，因為真係好辛苦！」
（即時娛樂）
廣告（請繼續閱讀本文）