微辣加蔥直播回應前女友阿晶墮胎事件！公開訊息對話後再出聯合聲明

澳門「微辣Manner」一直受到不少網民關注，去年初傳出經理人阿晶（Jane）和旗下藝人加蔥（林茂發）分手消息；8月阿晶以「與公司理念不同」理由離開微辣。阿晶日前在Instagram直播中自爆曾被前男友加蔥強迫墮胎的內幕，加蔥隨即在YouTube開直播反擊：「如果你有證據，你就掟出嚟！」。

阿晶和加蔥去年1月宣布分手，之後加蔥認愛新女友儀仔，有自稱是阿晶表哥的人發文大爆加蔥要求阿晶做人工流產手術而導致荷爾蒙失調兼患上抑鬱症，不過阿晶一直沒有表態。直到日前她在直播自爆當年在加蔥的威逼下選擇流產，加蔥隨即YouTube開直播澄清。

加蔥表示所有決定都是他們的決定：「我全部都記錄，當我一開頭知道有小朋友嘅時候，我係話生出嚟嘅，我唔介意養。一開頭佢話唔得、唔想要，我仲同佢講『我身邊啲朋友都係咁照返工』，但佢話『生嗰個唔係你，點解我要承受啲咁嘅嘢』。」

加蔥表示兩人經過多番商量之後，認為生小朋友對兩人都不適合：「佢再問我想唔想要，我就話『我唔想要嘅，但我尊重你嘅決定』，最後佢都決定唔要，係大家嘅責任，肯定唔係我逼佢！但呢個係事實，我真係未ready，大家都未ready。」加蔥承認自己處理得確實不夠好，包括沒有陪伴對方一同進行手術。「佢做手術嘅時候，我都唔喺澳門，我去咗香港做嘢，所以我係冇能力逼佢，我唔明點解佢表哥出嚟話我有第三者，但佢完全冇出過嚟講嘢，令全世界都覺得我係個咁嘅人。」

加蔥透露去年想轉經理人，更指阿晶亂搞男女關係：「我話『我想轉經理人轉去哥哥度』，佢問我『Why？』，我就咁答佢：『我接受唔到你一路喺出面亂搞男女關係，你又話會搵我、等我之類，到你拍埋拖都要直播話我同其他人睇戲，仲叫觀眾去我直播問同邊個睇，我唔識點同你溝通，但你講咩我都唔會阻住，不過我希望你盡量講事實啦！』」。

昨晚（1月16日）加蔥貼出與阿晶的聯合聲明，指經過溝通後消除了一些誤會，「我們兩個其實都想對方更好，雖然不再是情侶，但亦會以朋友身分互相支持對方」、「我們雙方已經得到共識，此聲明發出後，不會對此事作出任何回應。」最後希望大家繼續留意他們更好的發展。