生活

惡蜂來襲點算好?野外工作慘痛經驗分享文

風火山林
發布於 2023年09月26日04:03

黃腰胡蜂係本地數一數二的惡蜂,攻擊力強。我自己都瀨過三次嘢,每次都有人受傷,今次最甘(編按:筆者曾於2021年在植樹林工作時被惡蜂攻擊,被蜂螫11處,半身麻痹,一度被困,與惡蜂群相處超過兩小時,下文將長述經歷及事後檢討),所以唔好以為上得山多就唔會出事,只能夠話,每次經驗都係一個教訓,最緊要學精,盡力避免下一次。

有朋友想我總結經驗,都好,我有好多搞野外活動同喺野外工作嘅朋友,加埋有好多前輩畀我嘅資訊,歸納如下俾大家參考:

廣告(請繼續閱讀本文)

1.預防永遠最重要

先了解惡蜂嘅生長環境,我遇過幾次惡蜂,蜂巢都係築响長草叢嘅地上。蜂巢可以喺樹林內,亦可以喺空曠長草叢,亦可能喺甚少人行嘅荒徑邊,同大家所認知嘅「蜂巢掛在樹上」係完全唔同狀態,即係話行過都幾乎睇唔到地上有蜂巢,好容易誤踩。

行山嘅話,只能勸你唔好爆林,同埋唔好亂爆草叢開捷徑,同埋戴帽有着數。

廣告(請繼續閱讀本文)

野外工作嘅話,要着好防蜂帽同厚衣等保護裝備。今次我係有啲大意,因為第一個工作天

2.過敏反應最危險

廣告(請繼續閱讀本文)

點解咁驚俾惡蜂螫?係因為針嘅毒素有機會引起過敏反應,有啲人會即刻腫到好厲害,甚至呼吸道都完全腫起,咁就會窒息,要盡快去醫院打針,否則會有性命危險,所以唔係你忍唔忍到痛嘅問題,總之盡量唔好俾佢針太多,同埋如果傷者有敏感症狀,例如呼吸困難,就要盡快送佢落山。

3.踩中蜂巢點應變

惡蜂動作好快,會即刻空群而出嚟攻擊你。第一時間要保護個頭!前輩話,佢哋會追趕郁嘅東西,同埋黑色嘅嘢,即係最突出嘅目標就係你個頭。今次我都係,佢哋瞬間即刻瘋狂追擊我個頭同耳仔,我頂帽又响混亂中跌咗,所以頭係我嘅重災區。而我被針後即刻感受到麻痺同劇痛,亦都影響咗我逃走嘅能力。

之前我被惡蜂攻擊,我試過即刻痞低,唔好郁,等佢哋冷靜,然後慢慢爬離現場。之前係work嘅,但今次唔得。原來今次我伏低嘅位置距離個巢太近,胡蜂好有地盤性,某一範圍內生人勿近,所以我當時除咗扮死等救援,都無乜計。

自我檢討後,我建議自己下次細心留意行走路線,如果又係荒地上踩中, 就應該用九秒九速度即刻向回頭走,或向「確定不是蜂巢所處嘅地方」逃走起碼5米外,先踎低停止晃動,等佢哋回巢。如果喺明確山徑上撞到就相對簡單,你沿路向前或者回頭衝多一段路,離開咗佢嘅地盤範圍,就相對安全。

講就好理想,仲要睇吓你旁邊有乜人,同埋係乜嘢地形同路況,我嘅建議就當參考吓,到時執生啦。

4.救援人員點救人

講一講今次救援人員點救我離開蜂巢邊,他日如果有人喺蜂巢邊被困或者暈咗,都可以參考咁做。救援人員先着好保護衣同蜂帽,三人小隊,一個負責噴殺蟲水,減緩惡蜂嘅能力,另外兩個就即刻用一張氈冚住我,然後夾我走(當時我半身麻痹,靠佢哋扶我走),跟住四人一齊逃離現場。

係,惡蜂會繼續追出嚟嘅。所以要救人,救援嘅人必須着好保護裝備。今次之後我即刻返去檢討自己嘅野外工作包包,以後點都要放返兩三套保護衣同Cover,可以立即自救,因為唔係每次都可以等到官方救援人員嚟到。如果傷者有敏感症狀,任何人都應該事不宜遲,夾手夾腳抬傷者離開。

以上分享,我冇特別再上網睇資料,因為有啲心理陰影,暫時唔想再睇到蜂照,會反胃,所以有啲技術名詞稍為略過,純粹個人慘痛教訓後之檢討。

仲想講嘅係,個個前輩都話,中過係唔會有抗體,而係會响身體累積,再中嘅反應可能好大。其實園藝和野外工作者每日都要面對呢啲風險,我真心佩服,我有識園藝朋友被針到冇晒quota(再針就過敏),佢哋工作真心辛苦,但工資廉價,係一個長期被忽略但又好值得尊敬嘅行業。

撰文:鄭茹蕙

註1. 原文撰於2021年11月,轉載於2023年9月22日。

註2. 感謝David Shek借用有關相片。

▼ Follow 風火山林
Website:https://hikingwindfire.com/
Facebook:https://www.facebook.com/hikingwindfire
Instagram:https://www.instagram.com/hikingwindfire.hk/

查看原始文章

更多 生活 相關文章

【LINE你睇】這是AV現場嗎? 東京都知事候選人爆乳登場惹熱議
LINE TODAY
日男靠素人拍攝AV賺上百萬!不料竟約拍高中未成年少女?
日本集合
網上熱話|內地女呻香港食韓國菜收費極貴 提1要求被拒嬲爆發文 網民:無錢俾仲諸多原因
am730
鄭成功死於登革熱?專家揭密「猶如被惡魔纏身」
中天新聞網
【LINE你睇】最貓的貓小說 全文貓話求翻譯
LINE TODAY
東京旅遊|澀谷綠洲 「宮下公園」即睇3大Check point 330公尺空中公園/藤原浩星巴克
am730
【🍦澳門雪糕過江龍抵港!必試透心涼VLT檸檬茶雪糕🍋】
852 FoodVoyage
消暑對策|7個夏天散熱降溫貼士 解渴唔應該飲冰水?!
am730
【每周星座運程】1/7-7/7︰金牛座會碰上合眼緣對象!白羊座有貴人幫忙!
she.com
時代不一樣了!日本職場文化產生代溝?年輕人的這些行為讓前輩超傻眼
日本集合
笑死!暹羅貓「保護私產」阻止媽掀腳踏墊 飼主見寶物看傻:一瓣蒜頭?
Styletc TW
【LINE你睇】美國女生棄做醫生做電工 拍片分享工作爆紅年入過百萬
LINE TODAY
麥當勞新一周優惠 $18享30次免費加大套餐 全新芒果乳酸味梳打+明太子味Shake Shake粉
am730
四目小黑柴迷路遭警安置14天 取名「旺財」掛1線3回家全派所都不捨
Styletc TW
旅行衣服有味難重著? 5個去除衣物異味貼士 輕鬆解決燒肉、打邊爐味
am730
氣象學家預測 港變熱帶氣候 2070香港 熱更難耐
明報
【教養質素】放任4歲兒子餐廳內用點餐Marker亂畫 父母為安心食飯犧牲教養水準?
MamiDaily
著數優惠|KFC一連四星期「肯!抵DEAL」優惠 $50六件雞/套餐買1送1/$109超值三人餐
am730
【心靈】4個方法打破網絡同溫層
癒報 Healpy Post
莫札特代表作《女人皆如此》香港出演!男神級愛爾蘭高音歌手更現身劇目
men’s Reads
單身即地獄?十種等級「單身心態」剖析「為什麼單身這麼久」及「獨立愛情觀」分析 | Women's Health
Women’s Health
打開垃圾:陸恭蕙:徵費改行為 長遠之計 「各界ready,等政府撳鐘」
明報
影像特區:熱香港
明報
咖啡雪糕
Cook1Cook 煮一煮
愛慕頭髮與人妻的好人——評論香港作家曾繁裕的短篇愛情小說
虛詞.無形
吃得的藝術品 令人回味兼可唱K
Wendysugar扮靚玩樂gogogo
發現自己開始杜絕社交?過濾掉有毒朋友才不會一直內耗,圈子可以自己篩選,只需要勇氣
女生集合Tagsis