疫情下不能離港，Coffee林芊妤 日前帶老公、三歲兒子「翟伯伯」一齊去酒店Staycation，享受一家三口的開心假期。今日還上載母子一齊於酒店浴缸望住海景浸浴的相片與影片。不過有網民就鬧爆林芊妤不應該跟兒子共浴，指其子已經有基本男女意識，她大方留言反擊。
撰文：Clara | 資料、圖片來源：Coffee林芊妤Instagram
林芊妤分享母子浸浴照被網民鬧爆
事緣林芊妤近日與老公、兒子一齊去金鐘一酒店Staycation，房間能飽覽一大片維港無敵海景，空間感非常充足，而且房間主要用了木色來做主色，感覺舒服，像回到家一樣。不過她笑言兒子在早上6時半已經叫醒自己：「依然一樣咁疲累。」
為了好好放鬆心情，她享用了60分鐘房內按摩療程，以及與兒子於豪華水療式浴缸浸浴，非常識歎。她叫老公拍下母子二人背景，將將相片上載到Instagram，大讚與兒子浸浴再看美好風景令她非常好心情。
不過相片惹來網友熱議，大家反應兩極，有網民覺得伯伯已經有基本男女意識，母子不應一齊洗澡，覺得反感：「其實真係唔好再同個仔一齊沖涼，佢已經有意識，影響唔好」「大個仔了仲同媽咪赤裸相處」。甚至有網民在討論區撰寫帖文，擔心會影響她兒子的道德觀念：「可悲」、「你個背好性感喎！」、「佢個仔以後可能以為其他女仔都會咁Casual(隨便）」。亦有網民表示母子一齊浸浴沒有問題，問題在於她公開自己與兒子的浸浴照。
粉絲力撐正常生活一部分
但她的粉絲力撐無問題，反而覺得張相展現出親子樂，是正常小朋友與家人的生活一部分，叫她不用理會其他人的指指點點：「批評別人不如先顧好自己」、「我睇到呢張相只係諗到靚景靚媽同埋好溫馨咋喎！點解某啲人會覺得色色嘅呢？父母同孩子之間嘅感情同埋感覺係好pure，如果有邪念嘅唔該去睇吓心理醫生啦！」。亦有粉絲指只要教得好，仔女懂得控制自己，有正確道德觀念就沒有問題，批評部分網民思想保守：「咩都唔畀佢知，只會令小朋友因為好奇而做錯事。一齊沖涼只係講緊身體完全未發育嘅階段，根本唔係咁污糟不雅。」林芊妤表示認同。
有人就將焦點放於伯伯的背景上，大讚他很強壯，年紀輕輕已經有背肌，身形好有線條：「BB感覺很強壯了」、「肌肉最似你」、「點解我見到BB有肌肉咁犀利」，連Lucy媽媽都話伯伯肩胛骨有肌肉，林芊笑言兒子做運動多，的確有肌肉，最似爸爸。
林芊妤澄清會教好兒子
林芊妤回應網友認為與三歲兒子浸浴有什麼問題，澄清會用適當方法教導伯伯正確觀念：「我真係睇唔出同三歲嘅仔浸浴有咩問題，不過每個屋企都有唔同嘅觀念，我會用自己認為適當嘅方法去教導佢，但我都好想講男&女嘅身體唔一定同性&色畫上等號。呢張相我只係聯想到好lovely Thanks for understanding.」
