仲有一段時間先到櫻花季，但日韓唔少品牌都已經陸續推出櫻花產品，除咗大家一早已經放入購物車嘅星巴克杯之外，仲有好多品牌都推出櫻花系列，從實用到純粹得個擺字嘅公仔都有，去旅行之前望定要買乜先！
韓國篇：
廣告（請繼續閱讀本文）
韓國兩大生活品牌Daiso同Butter嘅櫻花產品向來都大受歡迎，主要係因為佢哋走平民路線，而且款色多，可愛夢幻都有。今年Butter承接上年櫻花系列，出返可愛貓貓嘅櫻花產品，首推透明水樽系列：
隨住櫻花期靠近，官網會陸續更新產品，廚房用品到公仔都有。
至於Daiso就推出「Bom Bom Series」（春天春天系列），最多款式嘅產品就係各式各樣嘅杯！
廣告（請繼續閱讀本文）
手機殼同文具都好靚，手機殼都係大約$33，文具最平$7都有，真係好抵買！
女士們最愛嘅化妝用品同飾物都有好多櫻花款，粉紅色嘅化妝掃筆身閃令令，超夢幻！
廣告（請繼續閱讀本文）
香港嘅夏天成日落雨，一把靚靚縮骨遮又點少得呢？
日本篇：
Daiso源自日本，自然都會出返日系產品令你荷包出血。
今季主要係文具多啲櫻花產品，好似小朋友最愛嘅摺紙：
仲有櫻花洗面乳同埋櫻花裝飾貼紙，實際上有更多櫻花產品，不過要到門市先見到。
日本迪士尼都有推出櫻花系列，主角係小熊維尼同豬仔，仲有米妮等等，佢哋全部都變晒淺粉紅色，好得意呀！
米妮仲有幾款飾物，最靚都係飾物架！
如果係米妮嘅粉絲，水杯同證件套都好值得收藏。
呢期準備去旅行嘅你不妨去呢啲地方睇下，作為送禮手信Daiso都係唔錯嘅選擇！
撰文：沙拉
