要衡量一個偶像紅定唔紅，相信廣告量是其中一個最好的證明。近日，打開電視十個廣告幾乎有九個都見到MIRROR成員的身影，當中人氣王姜濤單是今年單拖更拍了數十個廣告，人氣認真唔惹少，而話咁快他又有新廣告喇～
廣告（請繼續閱讀本文）
廣告（請繼續閱讀本文）
廣告（請繼續閱讀本文）
眨下眼中秋節快將來臨，近日姜濤就接到首個月餅廣告，為了𠱁一班「姜糖」開心，姜濤更在芸芸口味之中揀了白桃流心味送給粉絲，皆因「濤」的讀音跟「桃」相近，藉機「將自己送給大家、送給粉絲。」而今次廣告連「最佳經理人」花姐都會一齊演出，據知花姐仲會放低Cool到爆的一面，想知姜濤同花姐有何火花，等廣告於7月出街就知。
今次廣告主題為「摘星之旅」，由出道就被睇好做「明日之星」的姜濤就賣口乖表示最想多謝花姐，指如果自己和其他MIRROR成員是星星，花姐就是天空：「希望以後我這顆『星星』可以繼續留在這裡，可以製造更多星星，令這個代表樂壇的天空，愈來愈多閃爍的星星。」
此外，近日有粉絲就發現姜濤「驚喜」素顏現身有線新聞報導片段入面！片中姜濤紥住一個蘋果頭登場，更大騷籃球技術，型到爆，報導仲好有心配上MIRROR人氣歌曲《Ignited》的歌詞：「烈日下打籃球，快將焫焫焫焫焫焫着！」其實報導是關於消委會測試11款止汗劑及體香劑，當中過半止汗效果參差，而姜濤就剛好被野生捕獲到在籃球場打波。不少粉絲見到都留言：「紅到新聞都要出姜濤」、「呢啲咪漆黑中的螢火蟲」、「姜濤冇化妝都一樣靚仔，打波好型，但私下最好畀返啲空間佢」、「有線識玩，段片即刻多人睇」。
