張敬軒又扮女人！今次惡搞倪晨曦變「倪黃昏」

近月來張敬軒又再活躍網絡，今晚在IG出post上載惡搞照，「受害者」卻是他的廣告合作拍檔倪晨曦，化身成為「女神倪黃昏」，引來一眾明星好友留言讚他/她夠靚，甚至女神本尊倪晨曦也留言：「黃昏靚過晨曦」。

今晚，張敬軒突襲在IG出post，先以黑底白字警告大家：「以下內容適合任何年齡人士觀看，小心靚爆你個mon，敬請留意。」做足心理準備後，然後就是他扮女人的惡搞照。「先嗰排好多人都問我，新嘅一年會同女神Elva倪晨曦擦出點樣嘅火花，我收到風話女神呢期玩緊抗疫瑜伽，遲兩日先出關。於是我搵咗佢異父異母嘅細妹 #倪黃昏 #Elmo一齊合作，仲有佢阿媽 #倪半夜 同埋個細佬 #倪晏晝。」

張敬軒又表示，「倪黃昏」將要同正牌女神倪晨曦角逐今年的女神寶座，更自稱是「#清熱消滯 #宅男恩物」。他嫌大家懷疑自己的真偽，特別將自己變身做「倪黃昏」的化妝片段放上限時動態。

「倪黃昏」一出，數以萬計的粉絲瘋狂留言讚好，不少星級好友包括泳兒、鄭希怡、許靖韻、曾樂彤、胡蓓蔚、廖子妤等人紛紛留言。就連倪晨曦也極速留言大讚：「黃昏靚過晨曦」。張敬軒則回覆：「沒有晨曦黃昏何用」。

張敬軒當然並非第一次惡搞，上年他就惡搞容祖兒化身「火龍果」，更認真地拍了MV〈Pretty Hungry〉。