【3個扮生咗B的女人】陳嘉寶賴慰玲晒合照 陳凱琳個樣似無生過

陳凱琳（Grace）剛誕下囝囝Rafael，獲好姊妹陳嘉寶和賴慰玲探望，二人在instagram晒3位索媽合照，雖然是大頭照，但Grace連水腫都沒有，認真厲害！難怪賴慰玲留言：「其實咩事都冇發生過 都仲係18歲 #唔好打頭 #靈異學會 #會員最近好忙 #會長要再諗下有咩學會活動」，連田蕊妮都回應謂：「吓！個樣真係好似無生過咁喎！」；網民更搞笑說：「三個扮生咗bb嘅女人」！
陳嘉寶就Hashtag她們在《殭》的角色名：「#何月 #藍夢瑤 #丘玲梅 今天剛好十八歲 ！ #殭 #靈異學會 #我意思係心境 #心境十八」。3人於2015年拍攝的劇集《殭》成為好友，這劇也是Grace跟老公鄭嘉穎的定情劇，轉眼4年，3人都已變身人妻人母，賴慰玲率先於2017年結婚生仔；陳嘉寶亦於2017年結婚，今年1月底才做媽媽誕下女兒，照計她也在坐月中；Grace去年跟嘉穎結婚，日前誕下B仔，並在ig story上載一家三口卡通照，及囝囝手仔按住胸口照，Grace自言「個心在燃燒」。