近日在劇集《福爾摩師奶》演破案精明的爵士夫人，劇中因老公出軌出賣大受打擊，不過現實生活，陳松伶就遇到對 她呵護備至的好老公張鐸，不過幸福婚姻也不是冇遺憾，二人結婚八年膝下無兒，正值壯年兼身為家中獨子，張鐸一直想有小朋友，父母又恨抱孫，令未能為張家開枝散葉的松松承受不少家庭壓力。曾經患上卵巢瘤做過婦科手術，令松松一直難以成孕，同老公努力多年亦未能如願，松松坦承是自己身體問題：「係我嘅問題，或者我哋要用另外方式有小朋友，而唔係由我去懷孕了！」據知，現年48歲的陳松伶，已經忍痛放棄追B，同老公張鐸有共識在內地領養小孩圓夢，另類方式傳揚母愛！
撰文：東方新地 圖片：新傳媒圖片
48歲陳松伶 婦科手術致不孕
拍過唔少經典劇集，演活過《天涯歌女》周璇坎坷一生的陳松伶，擁有著清純外表特質令她機會不斷，但同時亦因性格倔強兼敢作 敢為，令她一生變得傳奇曲折。15歲被母親虐打離家出走，投靠契姐生活，同父母反目二十年才冰釋前嫌，以為雨過天青，不過翌年父親卻因病離世，令未能及時盡孝道的松松大受打擊，更因而患上抑鬱症，至卵巢瘤復發，雖然經歷慘痛，不過上天還是眷顧她，在人生最 失意時，認識到老公張鐸陪她走出低谷，人生再露曙光。
唔敢行多一步
11年同張鐸「姊弟戀」修成正果，眨眼二人已結婚八年，恩愛有增 無減，不過，找到真愛也不是無風無浪，07年同張鐸因拍內地劇《血 未冷》結緣，兩人互生好感，但愛情萌芽的同時，松松亦曾因兩人年 齡相距八年而卻步，據知情者透露：「知道咗張鐸細自己咁多，松松都 嚇咗一跳，根本唔敢行多一步！好彩張鐸唔肯放棄，最後都打動到松 松！」張鐸的堅持成就這段幸福婚姻，他窩心的一句：「你為何唔試就 害怕？」令松松深受感動，婚後松松更因老公而改變對生兒育女的觀 念。她曾這樣表示：「以前冇諗過會結婚，以為自己會孤獨終老，更加 冇諗過生仔，但遇到伴侶之後，自己好想同老公生BB ！」
無懼年齡差距
雖然年齡相差接近九年，但39歲張鐸思想成熟，陳松伶更形容老公更像哥哥多一點，就算兩人因工作兩地分隔，每日都一定會同對方視像傾偈，增進感情。
想過搵代母
除咗年齡漸高，松松更因患卵巢瘤做婦科手術，令懷孕機會極微，不過，為了同張鐸有自己愛情結晶，松松亦用盡努力，婚前就曾同老公到美國做冷凍卵子，嘗試人工受孕。據知情者透露：「婦科手術之後醫生已經同松松講過，佢懷孕嘅機會好低，呢件事對松松打擊好大，不過嗰時佢冇拍拖，唔會有太大壓力，但自從識到張鐸之後，佢睇法唔同晒，為咗生BB，佢諗過好多方法，只要有一絲希望都會 試，除咗人工受孕，佢亦諗過想搵代母，但係最後都唔放心而打消念頭！」
心繫老公
瞓身幫劇集宣傳的松松，日前返廈門探完老公班，即趕來港出席宣傳活動，當日所見，松松同劇中細妹陳煒經常攬到實好好感情。出完活動，她更極速趕去機場返北京會老公。
接老爺奶奶北京住
除咗想幫老公圓夢，更重要是松松希望能為張家開枝散葉。由於張鐸是家中獨子，拍拖初 期松松已擔心張鐸父母是否接受年長的她，正因為老爺奶奶的開通，更促使松松希望能為夫家 實現抱孫夢。據知情者透露：「第一次見張鐸父母，松松好緊張，怕男友父母接受唔到個仔嘅女 朋友大自己咁多，不過，張鐸一早同松松做咗心理輔導，話萬事都有佢喺身邊，原來男友喺屋企好權威，父母好支持個仔做任何嘢，一開始已經冇介意松松嘅年紀，覺得最緊要係佢哋互相 鍾意就得，相處之後，更加因為松松嘅體貼，兩老對呢個新抱好愛錫，其實結婚冇耐，松松已 經安排老公，接咗住喺哈爾濱嘅父母嚟北京一齊住，佢就係唔想老公長期同父母分隔，等大家 可以多啲照應，新抱咁有心，兩老點會唔感動，雖然一直恨抱孫，不過佢哋睇得出個仔好錫老 婆，知道阿仔兩公婆好努力想生小朋友，亦唔想再加添佢哋壓力，都會叫佢哋放鬆啲慢慢嚟！ 不過老爺奶奶嘅體恤，反而令松松更大壓力，就係怕令佢哋失望！」
趕返屋企
早前出完活動，松松由司機接返太子道西寓所。
變身出動
回家逗留個多小時，換了衫的松松與助手出發去海港城。
支持太太領養
努力多年，人工受孕仍然不成功，48歲的松松已心痛放棄追B，她坦誠是自己身體出問 題：「係我嘅問題，做咗好多次都唔成功，老公都叫我唔好再試！我依家嘅年紀，我諗我哋要用 另外嘅方式有小朋友，而唔係由我去懷孕了！」 其實近年松松已多次漏口風表示想領養孤兒，日前出席無綫劇《福爾摩師奶》宣傳活動，她 就透露同老公各有各忙，未有時間造人，不排除將來領養，其實早於16年，松松已同老公去過 天津兒童福利社探訪殘障兒童，為領養鋪路。首次做探訪的張鐸對住一班天真無邪的殘障孤兒深受感動，對領養亦由抗拒變成支持。據知情者透露：「張鐸本身好抗拒領養，始終佢性格比較大男人，好想同老婆生自己嘅BB，不過，佢見到老婆好努力想幫自己圓夢，反而覺得好心 痛，唔想太太再為咗生仔承受咁大壓力，覺得最緊要係老婆健康行先，小朋友係上天恩賜，張 鐸已經唔再勉強，特別係探訪之後，佢被松松愛心感動，見到一班孤兒身世咁可憐，亦覺得如 果可以畀到愛佢哋，都係一件美好嘅事！」
已做好心理準備隨時ready領養的松松，近期表現亦母愛氾濫，不時在個人社交網分享同兩 個姨甥女互動照片，每次飛返香港就會幫細妹湊B，每次見到姨甥女都笑逐顏開，相信湊B對她 已冇難度，雖然要待適當時機才能實現計劃，但恨湊B的她已愛心爆棚說：「我覺得可以由淺入 深，慢慢領養一個兩個、三個，跟住就兒孫滿堂！」用另類方式彌補夫家抱孫願望。
同助手穿過商場去樓上會合友人吃火鍋。
走後門
醫飽肚，松松同助手由後門離開。
抑鬱四年
有老公信心支持，陳松伶近年亦回春，回巢幫無綫拍劇狀態大勇，已經是圈中富婆的她，近年只選擇性工作，寧願多留時間陪老公，曾被抑鬱纏繞 多年的她更學會珍惜健康！據知情者透露：「拍劇成日要捱更抵夜，松松本身體質又虛弱，除咗患過卵巢瘤，更長期被抑鬱纏身，有四年時間完全唔願 見人，不過佢好阿Q精神，成日會話，如果唔係有呢個經歷，可能佢仲係孤單一人，未必會遇到咁好 嘅老公！」有愛錫的人陪自己走埋人生下半場，過去的傷痛，在松松眼中都變得微不足道！
拍劇撻著
陳松伶同老公張鐸 07 年拍內地劇《血未冷》火速相戀，松松就因為老公一句說話：「為何你未試就害怕？」而深受感動，拍拖四年修成正果。
向老公求婚
16年拍真人騷《魯豫的禮物》，松松在節目內反過來跪地向張鐸求婚，更表示雖然兩人沒有小孩，但她會一輩子好好照顧他。
彌補夫家抱孫夢
同老公張鐸結婚八年，48歲陳松伶至今無兒無女，她坦言老公鍾意小朋友，自己亦希望可幫老公生兒育女，卻因身體狀況未能如願，為彌補夫家抱孫夢，松松已有計劃領養孤兒，其實近年母愛氾濫的她，不時在個人社交網大晒抱B玩樂相。
松松攬住兩個姨甥女笑到瞇晒眼，湊B開心盡在不言中。
同兩個姨甥女好多互動，睇嚟湊B對松松冇難度。
逗B為樂
就算人不在港，松松都會同姨甥女視像通話，逗得姨甥女笑逐顏開。
探訪孤兒
16年同老公張鐸到天津一間兒童福利院探訪殘障孤兒，令以往抗拒領養小孩的張鐸有很深體會，對老婆領養孤兒大力支持！
夫婦對一名兩歲腦癱小女孩非常照顧，松松抱住她不停逗樂。
面對一群殘障孤兒，張鐸一度感動到眼濕濕！
扮葉蒨文入行
父母是印尼華僑，3歲由廣州來港定居的陳松伶，15歲參加TVB舉辦的「葉蒨文歌唱大賽」奪冠入行，87 年曾與李麗珍合拍電影《鬼馬校園》，不過松松的黃金時期，並非在電影圈，反而是在TVB拍《天涯歌女》爆紅，劇接劇成為無綫當紮花旦。
89年同黎明合拍《天涯歌女》將金嗓子周璇坎坷一生演繹得淋漓盡致。
金童玉女
同鄭伊健合作超過六套劇，《月兒彎彎照九州》、《92鍾無艷》及《笑看風雲》等，當年更成為 觀眾眼中的金童玉女。
拍盡紅星
在無綫拍過唔少受歡迎劇集，更拍盡人氣小生，拍《天地男兒》就拍著古天樂同張智霖演出。
挑戰趙雅芝
在《新上海灘》演馮程程。
唱50場《雪狼湖》
歌視雙線發展的松松，除咗被喻為是兒歌皇后，97年更曾替代林憶蓮演出張學友《雪狼湖》新加坡站，06年更為音樂劇做了超過50場內地巡迴！
契姐大踢爆
15歲離家出走投靠契姐阿寶（右），得契姐供書教學的松松，亦與兩位好友阿寶、阿Han結義金蘭，情如一家人生活，不過05年松松就自爆遭契姐趕走兼騙去身家，落得要露宿街頭，不過17年，阿寶同阿Han就出書反擊還清白，更出示當年同松松合組公司文件及松松當年持有的AE白金卡，指松松一直擁有自己信用卡及支票簿，並不是她口中所說身無分文被趕走，成姊妹反目羅生門。
即時回顧：回顧48歲陳松伶初出道靚樣
｜87年 出首張唱片
86年15歲嘅陳松伶參加無綫模仿葉蒨文歌唱大 賽獲得冠軍而入行，並獲唱片公司賞識，翌年初推出同名首張個人唱片，全白服裝影封面相形象清純。
｜87年 小鳳波點衫
陳松伶87年首次出唱片 同拍電影開始為人認識，佢嘅 靚相不時出現喺各大娛樂同音樂雜誌，呢張靚相松松著咗徐小鳳經典白色圓點波波冇袖衫，畀人清爽嘅感覺。
｜87年 拍首部電影
出首張唱片外，陳松伶同年仲畀高志森睇中邀拍校園青春電影《 鬼馬 校園 》，片中暗戀追求同學李麗珍嘅陳山河，而電影原聲大碟，松松 包辦主題曲同三首插曲，但佢拍完呢部戲後就專注番學業。
｜89年 首拍劇爆紅
89年無綫金牌監製蕭笙搵嚟陳松伶喺劇集《天涯歌女》，演繹「金嗓子」周璇跌宕一生，而天王黎明就演佢嘅首任老公。首次拍劇就擔正嘅松松，主唱嘅歌曲大受歡迎令原聲唱片大賣特賣，令佢一劇爆紅。
｜91年 男仔頭look
陳松伶自出道以嚟都係短頭髮，91年20歲嘅松松剪得更短，索性以男仔頭示人，令人耳目一新。
｜92年 靚靚大頭相
陳松伶92年登上某電視偶像圖 輯雜誌嘅封面，呢張大頭相捕捉到松 松姐姐最靚一面，美貌盡展現。
｜92年 新版鐘無艷
92年無綫開拍時裝版鍾無艷，陳松伶演因 鴛鴦醜面遭男友拋棄而傷心墮樓，雖然 毀容但手術後竟變成絕色美
女 ， 仲 畀 曾 航 生( 左 )發 掘 訓 練成廣告明星，最後同工友 鄭伊健共墮愛河。
｜93年 輕輕撫粉臉
93年陳松伶替某偶像雜誌創刊號影咗張靚靚相，呢輯相以爆光為主調，光得嚟唔淡色，松松梳咗個冬菇頭輕撫 粉臉 ， 動人又美艷 。
｜94年 少女回眸
呢張94年影嘅相，陳松伶回眸一笑，少女味濃。
｜94年 翩翩起舞
陳松伶並唔係跳舞型歌手，但94年就替某偶像刊物影咗輯翩翩起舞嘅相，映襯橙紅色紗裙同頭巾，充滿無限夏日動感氣息。
｜95年 長期男友
鄭伊健同陳松伶共合作六次 ——《 蜀山奇俠之仙侶 奇緣》《月兒彎彎照九州》《 92鍾無艷》《婚姻物語》《 笑看風雲 》《 新包青天之劫聖旨 》，係經典最佳螢幕情侶之一，95年再冇合作嘅兩人重聚即合照留念。
陳松伶人生低谷幸遇老公張鐸
繼2016年復出拍攝《全職沒女》 ，陳松伶再次出演無線新劇《福爾摩師奶》，劇中她飾演一位於貧窮家庭出生的女生，立志脫貧進入上流社會。原本以為跟隨心愛的人嫁到中環，成為有大屋、管家，衣食無憂的爵士夫人。怎料老公為保命棄之不顧，結果陳松伶唯有屈就於油麻地，重新適應新生活。
悲慘童年 曾遭家人出賣
鏡頭之外，松松在現實中的經歷卻恰恰相反，雖然童年慘遭至親出賣，後來又被好姊妹騙去積蓄，之後經歷父親離世，經歷種種人生低潮的她更一度患上抑鬱症。
1986年，當時年僅15歲的陳松伶參加歌唱大賽獲冠軍，成功簽約無線TVB。1989年，主演電視劇《天涯歌女》，飾演女一號周璇，一炮而紅。1994年 主演《笑看風雲》，飾演女主角林貞烈。1995年，拜台灣音樂人劉家昌為師，是劉家昌在香港收的第一個學生，並為其取藝名陳松伶。傳聞因為陳母迫她放棄學業、全身投入演藝圈賺錢養家，令陳松伶心灰意冷，決意離家出走，與家人斷絕來往20年。
被好姊妹騙去全部積蓄
與家人鬧翻後，她寄居在契媽家中，與兩個契家姐情同姊妹 。陳松伶與兩位契姐姐生活的15年間，的確備受呵護，陪進陪出做埋貼身保母，感情猶如親姊妹。
她將唱歌拍戲所賺回來的一分一文，全跟這家人共用，沒有留一點私己錢給自己，信任度好比血脈之親。關係好時，當然沒有問題，但05年，突然急轉直下，這家人將她踢出門口，還講明不能帶走任何東西。所有血汗錢化為烏有，她尚能看開，但感情被出賣，才教她痛心疾首，死去活來，突然無依無靠，一度方寸大亂。
「所有片酬會入落大家個pool度，然後我就唔理，佢哋會幫我交學費，我話想買邊幾本書，佢哋會買俾我，衫更加唔使我care，我係一個好隨便嘅人，佢哋買乜，我咪着乜囉，出騷衫亦係佢哋搞掂，所以生活上我有一個缺失，就係唔識照顧自己。「但原來有一日佢哋會突然唔鍾意你，唔會再理你嘅生死，將我踢出佢哋嘅圈子，嗰時啱啱新年，感受特別深。」
當時陳松伶身無分文，沒有積蓄，身上的現金也不多，只帶走幾件簡單衣服和內衣便被趕出家門，差點要瞓街，甚至連自己卵巢腫瘤的手術費都無法支付。其實這件事上，她也有責任，就是不懂保護自己而種下禍根。
跌落低谷 患上抑鬱症
跌落低谷的她再也撐不住了，最終確診患上抑鬱症。陳松伶曾有過打算自殺尋死，了結煩惱的想法：「嗰陣唔敢將件事講出嚟，好羞家，尤其係藝人。每天都係風光嘅開始，積積埋埋變咗一個好大嘅黑洞，陷入當中完全企唔返起身。好無助，不停問點解會令自己陷入咁嘅地步，不斷反思、質疑自己，到最後去到唔健康嘅狀態。」
患上抑鬱，只能靠吃藥看醫生度日，而在同年，爸爸突然離世，給她帶來更沉重的打擊。陳松伶話最嚴重的時候連人都不想見：「嗰段時間我連出門口都會反覆掙扎半日、心跳加速，所以同朋友冇再聯絡。」她足足用了兩年時間去療傷和尋找自己，上天是公平的，也給她與真正家人和好如初的機會。
相隔20年偶遇妹妹 和家人打破隔閡
「其實我係一個好down to earth嘅女仔，八歲已經識煮飯煲湯、修理水喉電掣，屋企仲有一大棚細佬妹同表弟妹等我照顧，幫佢哋洗尿布，只係呢種能力被腰斬咗，咪重新學囉！」陳松伶與真正家人重聚的經歷也很有趣，應該是整定。「有次行行吓街，有個女仔埋嚟問『你認唔認得我？』我以為係fans，但唔夠兩秒鐘，我就望到佢個樣同我好似，尤其嘴同鼻，但佢已經亭亭玉立，我問佢『你係咪我個妹媚媚呀？』」相隔多年，終於一家團聚。
遇上暖男苦盡甘來姊弟戀修成正果
正值人生低谷，陳松伶最後沒有放棄，決意離開香港，轉戰內地拍劇，希望可以賺回失去的一切。
萬萬沒想到一個決定，變成其未來幸福生活的關鍵。07年她接拍內地電視劇《血未冷》，邂逅比他小8歲的同劇演員張鐸，兩人一拍即合。松松說「他是一個很傳統很認真的中國男人，也是一個暖男，而且成熟可靠。跟他一起會感到安心。」
雖然松松曾憂慮「姊弟戀」而婉拒對方，但因對方堅決表示「其實沒甚麼好怕」，給予她勇氣去發展這段戀情。雖然有年齡差距，但女的單純，男的早熟，思想溝通並無問題。不被看好的姐弟戀，終修成正果，二人於2011年註冊結婚。
被求婚嚇到死
陳松伶 與張鐸的年紀始終相差8年，溝通不會有問題嗎？「當 初我一聽到佢話自己廿幾歲，個心即刻跌落地，心諗『唔通內地artists鍾意報細數？』講真佢個樣真係唔似，我覺得自己似細佢十年多啲囉！嗰刻我已經想 縮沙，但佢話『我講過照顧你，就會照顧你一世。』其實最大問題係佢屋企人介唔介意我大佢哋個仔咁多，好彩佢喺屋企係皇帝，佢話一，冇人敢話二。」於是愛苗 慢慢發芽成長，這套劇亦曲終人散，不過他們的故事才剛剛開始。
「之後我去北京拍，佢去大連拍，因為佢實在太擔心我，寧願每日搭一個鐘頭飛機返北京搵我，入閘出閘車程計埋三個鐘，點會唔感動吖！」那他向你求婚時，又感動嗎？「嚇 死我就真，佢嗰晚約咗我去天安門附近食飯，仲叫我着靚啲，點知嗰日我同水喉師傅喺屋企搞到嗌交咁滯，邊有心情扮靚，去到見到佢着晒西裝已經好驚訝，食食吓 飯，waiter突然遞紮花俾我，然後佢就求婚喇，我同佢講如果想我長命啲，以後唔好再搞咩surprise，哈…哈…」唔知張鐸有冇少少好心着雷劈的感 覺呢？愛這個女人，就要愛她的傻。
老公畀足安全感
陳松伶 表示，中港兩地男星的文化差異不少。「譬 如當年拍《血未冷》，我哋啱啱識，老公就同我講中國歷史，香港男artists講玩講食就多啫！而且可能大陸嘅狗仔隊唔係咁盛行，佢唔會特登同我保持距 離，譬如有次佢見我凍到縮吓縮吓，即刻將佢身上嘅羽絨披喺我身上，嗰刻有啲觸動，覺得呢個男仔真係好細心、好識照顧人。香港男演員怕傳緋聞通常唔會咁做， 所以老公俾我好大嘅安全感，好有吸引力。」咁又係，香港男仔比較現實，對你冇意思時，就話當你是兄弟，僭台詞即是叫你自己顧自己！
老公陪伴度過陰霾
早前，陳松伶出演內地綜藝節目《跨界歌王》上演唱《那個男人》時，在節目上深情告白老公，指丈夫不只是她的另一半，更似是恩人。
松松透露當年自己治療抑鬱症時，老公每天努力工作讓她安心在家養病，足足有4-5年時間。「我相信身邊全部的人都以為我是瘋子，只有他一個人相信我。」陳松伶感謝老公對他不離不棄，直到有天她發現書桌上有一個她的「養老計劃」，是他們40年後的計劃。原來張鐸早就認定陳松伶，希望用行動去感動她，讓她安心，終於陳松伶病情好轉了，重新振作起來。
松松甜蜜表示「所以無論我搬到邊，那個男人就是我的家，我一輩子都會牽著他的手走下去」
在家大過天 被老公當公主寵
老公張鐸暱稱老婆叫「松公主」， 結婚多年，二人不時在微博恩愛放閃。
愛妻心切的張鐸亦曾分享兩夫妻去旅行時品準備原則：
1、老婆說帶什麼就帶什麼。2、老婆不讓帶的堅決不帶。3，如果出現異議請遵守前兩項原則。
嘗試人工受孕 為老公繼後香燈
結婚8年，二人時間在微博晒恩愛，出席活動更是形影不離。松松喜歡小朋友，而且張鐸是獨子，對生小孩都有著期望。陳松伶 與老公一直希望有小朋友，甚至婚前在美國冷藏卵子為生小朋友做準備，可惜松松曾患卵巢腫瘤，曾試過多次雪卵，仍然未能成功人工受孕。
膝下無子有意領養
陳松伶 一直有助養小朋友，早前曾表示有意領養孤兒，特別是領養身體有殘疾的小朋友，希望給他們一個溫暖的家。唯老公張鐸對領養殘疾小朋友有點抗拒。 陳松伶說會透過溝通慢慢改變老公的觀念，而自己亦會好好考慮清楚是否領養身體有殘疾的小朋友。
陳松伶再唱TVB劇集歌
相隔2年，日前終於等到陳松伶回歸TVB拍嘅劇《福》出街！近年，劇集無論係主題曲定插曲都成為大家關注嘅一部分，今次都唔例外，《福》就有女主角陳松伶開聲獻唱劇集插曲《有我便有你》！
唔少網友聽完都大讚陳松伶唱得好聽，而且更有網民指呢首插曲比起由吳若希主唱嘅主題曲《暗中愛我》更好聽，所以更值得成為主題曲，個個都為松松姐姐不值！
話說，陳松伶對上嗰次為TVB劇集獻唱已經係2005年，當年為劇集《驚艷一槍》獻唱主題曲《真相》、《夢蝶》及《情傷》，所以都已經過咗14年先再聽到佢再次獻唱，唔知大家又點睇呢？
有得聽！
爆新劇改名《福爾摩師奶》因由 傳遷就內地市場而改？！
上星期六《荷里活有個大老千》播出大結局，緊接播出由陳松伶、陳煒及黃智賢主演嘅《福爾摩師奶》，雖然呢套新劇似乎有吸引觀眾嘅地方，但同時亦有人話新劇個名好鬼娘，仲有傳係想貼近內地市場而改呢個名！究竟實情係點？
今次劇集以陳松伶、陳煒及黃智賢三位領軍，講述首位華人爵士夫人祖迪費查（陳松伶飾），因洋人老公失勢兼失蹤，落難到品流複雜嘅油麻地，不幸捲入連環妓女殺手「開膛手傑克」案件中，更被指為疑兇而展開嘅一個故事！
追看3大原因：
｜題材有追看性
今次《福》以懸疑推理為主題，過往TVB出產嘅推理劇都係收視嘅保證，例如：《法證先鋒》系列、《鑑證實錄》系列等。
加上，劇集未出街前，監製方駿釗更豪言：「包保觀眾估唔到！」，相信劇中唔少細節都會有所關連，唔少觀眾都應該會睇得投入之餘，仲會想不斷追看！
｜王牌監製加持
《福》嘅監製方駿釗正係近年幾套劇集嘅收視保證，方駿釗對上嘅3套作品：、《一屋老友記》、《降魔的》及《跳躍生命線》收視及口碑都唔錯，而《跳》更於上年榮獲最佳劇集一獎，可見劇集品質應有保證。
｜全tvb自家製作
近年，TVB都播出唔少中港合拍劇及內地劇，如《延禧攻略》、《守護神之保險調查》等。要睇到一套百分百喺自家製嘅電視劇好似難上加難，但好在之前播出嘅《大帥哥》就自家製得嚟亦冇令觀眾失望。
而今次呢套《福》同樣嚟自TVB親自出品，雖然未知有冇品質保證，不過以自家劇嚟講都叫係令人有所期待嘅，不竟有陳松伶、黃智賢和陳煒等好戲之人坐陣！
劇名娘味濃
雖然有部分網友指《福爾摩師奶》呢個名聽落怪怪地，似乎唔太切合本地觀眾嘅口味，仲有傳聞指呢個劇名係為咗遷就內地市場而改！
原來《福爾摩師奶》開戲時劇名係叫《危城First Lady》，而監製更否認傳聞所指，表示改名只係想加強喜劇感，想知套劇夠唔夠喜感，大家就一於今晚睇睇啦！