（新增回應）
「整爛佢個墓即係等如整爛我個墓一樣，有乜咁大仇口呀？」Beyond成員黃貫中，曾經憤怒地說。
2009年，黃家駒位於將軍澳墳場的墓碑，遭人惡意破壞，石碑上的結他被人用黑筆塗污，遺照上小裂痕變大，碑上原本金色的字型，部分被填黑。除家駒的墓碑受破壞外，「鄰居」陳百強的墓碑亦被髹黑漆油。
當時家強怒道：「我已經報咗案，警方調查緊，對於破壞嘅人我唔寄望佢會自首，但我希望佢會後悔，以後唔好再生事同騷擾。」世榮更嬲：「對先人不敬，有報應，等天收！」事發後，家強擇吉日重修家駒墓地，豈料最近又發生破壞事件，真係人神共憤！
某國國民外遊，總喜歡留下墨寶，證明到此一遊。就連形成於200萬年前、位於陝西波浪谷丹霞地貌景區，都被某國旅客用木棍「留言」，景區一位工作人員痛心的表示，受破壞的岩石，600年也回復不了原貌。就連香港海底珊瑚，亦可發現「到此一遊」。
丹霞地貌尚且遭如此命運，家駒呢？最近有網民發現黃家駒位於將軍澳墳場的墓碑又一次被人用黑筆塗污並以簡體字寫下留言，寫道：「弟弟」、「姐姐」、「哥哥」、「我回來了」、「杭州」、「大陸」、「書裡」。網民將情況影低，貼於微博，怒道：「請尊重逝者！給逝者足夠的清靜！讓逝者安息！對於一些破壞墓地設施！隨意亂扔垃圾！在墓地大聲喧嘩者！請您們好好思考一下，這樣做，對逝者足夠尊重嗎？」「係咪要家駒冇日安靜先開心？」更表示已經喺微博通知家強，有歌迷得悉後已經即刻帶埋天拿水去到為偶像清潔，不過可惜仍有淡淡的黑印留下。
網民見到有關照片都怒不可遏，紛紛留言指摘，有人更話：「如今他已離開，你們卻一次次讓他的神聖尊嚴受到侮辱！試問，你們有最起碼做人的道德底線嗎？」
對於亡兄家駒墓碑被塗污，家強接受《蘋果》電話訪問坦言：「我唔知呢件事，其實我唔覺佢哋有心，睇字跡似小朋友，世界咁大，有好多人，亦有唔理智嘅人，希望大家珍惜家駒屋企，嗰度係佢住嘅地方，將心彼己，自己住嘅地方都唔想畀人畫花！」
家強表示歡迎大家到家駒墓碑參觀，但唔可以做任何破壞：「呢個情況有時真係控制唔到，如當場捉住，我梗係會教訓佢！」最後家強無奈表示：「無謂追究了，希望大家自重啦！多謝其他歌迷幫手清潔！」
精選娛聞，喺晒《娛果》
http://fb.com/appledailyent