王君馨（Grace）出名有fit爆身材，雖然係有料之人，但佢都唔係成日晒身材嘅人，不過新劇《是咁的，法官閣下》昨晚開播，身為女一嘅Grace最近嚟個人妻大解放，繼早前喺IG放三點式索爆水著相，昨晚在金鐘出席一晚宴以透視晚裝示人，性感程度攞滿分⋯⋯
撰文：東方新地 圖片：新傳媒圖片、Instagram
人妻王君馨 狂谷胸宣傳新劇
廣告（請繼續閱讀本文）
王君馨昨晚盛裝現身公開活動，佢身穿中門透視裝，大晒完美Body，艷壓全場！睇番佢擔正做女主角的新劇《是咁的，法官閣下》昨晚開播，唔怪得咁博啦！
Grace最近頻頻賣大包，有網友話佢做咗人妻後，反而仲豪放過以前做女嗰陣！
廣告（請繼續閱讀本文）
又晒胸又晒腿，大家點睇佢呢一身打扮先？
廣告（請繼續閱讀本文）
同場嘅熊黛林被問到老公郭可頌有冇唔準佢作性感打扮？Lynn笑言：「冇需要的話唔會咁性感，平時都係好保守！」佢又話平日會包辦家人嘅造型：「都會幫老公買衣服，襯好一套畀佢，咁BB衫就肯定全部係我負責！」提到日前是結婚兩周年，佢透露只係喺屋企食飯，自嘲完全沒新意。講到早前喺IG上載了自己和老公的童年照跟孖女作對比，Lynn直言BB長得和佢哋非常相似：「妹妹就同老公長得一模一樣，比我老公細嗰仲肥好多，而姐姐就同我好似樣！」