【LINE你睇】樓主智破刷單騙案　賺甜頭割禾青指「我都賺夠啦」甩身

經濟低迷，人人都想多兼職賺快錢，所以騙案無論上過多少次報，受騙者仍是多不勝數。今次就有連登仔智破騙案，在騙徒手上賺取首輪甜頭就割禾青「辭職」，更抵死道：「我都賺夠啦，係時候俾其他人賺下」。

警告：危險動作，切勿模仿。收到騙徒訊息就封鎖，不幸中招就報警。

樓主「騙子殺手」在連登開帖「網上騙案？定真係有啲咁既工？」，指收到招攬兼職員工的whatsapp訊息（留意紅框文字），如下：

樓主佯裝上當，聽從安排試做，並賺取少量金錢，然後果不其然被要求入錢（$80），以提取薪金及額外六倍回報。

樓主過數後，也果真收到對方轉帳，扣除$80成本，淨賺$216.22就決定收手。

他還「感恩」說：「東哥（疑似騙徒）好好人，要好頭好尾辭職」，向對方撻出《龍咁威》中警訊的騙子名句：「我都賺夠啦，係時候俾其他人賺下」，相當幽默。

觀乎留言，大部分人覺得割禾青事件大快人心，樓主果然不負「騙子殺手」之名。不過危險動作，切勿模仿。

真正行內刷單由用電腦程式完成，無須人手操作。任何系統複雜，但無須技能，「撳個掣就有錢搵」，兼要你墊支的工作都不是甚麼好事。很多時受害者也不是毫無覺察，只是一時被戳中人性弱點，難以脫身。所謂中招唔怕曬（公開），最緊要走得快。

圖片來源：LIHKG

【LINE你睇】每日精選網絡熱話，源源送上新鮮事，LINE你睇唔驚冇話題。