廣告（請繼續閱讀本文）
洪永城太太梁諾妍近日因大腿傷口受感染要接受手術開刀放受瘀血，突如其來的手術對誕下第二胎後首個馬拉松準備的她影響甚大，她在社交網說：「上星期突如其來嘅手術對我打擊實在係太大，每日去醫院洗傷口都要鼓起好大勇氣，因為真係痛，最痛莫過於係唔可以跑步呢，醫生話保守估計要抖足1個月或以上，始終個傷口都大，又唔可以流汗驚細菌再感染，聽完真係哭了。」
廣告（請繼續閱讀本文）
平時靠跑步減壓的她惟有靠其他方法紓緩壓力：「本來11月嘅馬拉松想做時間都告吹了，我都用咗成個星期先慢慢接受到，跑步一路以來都係我唯一舒壓嘅方式，我跑唔到步係咪會抑鬱？好多朋友仔都話個天整定要我停一停，又或者要我搵其他方法舒壓，其實都係做運動先幫到我，跑唔到步，惟有做多啲weight training操肌！其實又真係要操返多啲，生完啲肌肉走晒。不過，傷口始終喺啲大腿內側位置所以都要慢慢嚟，同埋會就住就住。」心態積極的她指一個月後又變返一條「好漢」。
東網網站 : https://on.cc/東網Facebook專頁 : https://www.facebook.com/onccnews/