廣告（請繼續閱讀本文）
陳山聰今天（13日）與張曦雯（Kelly）出席台慶劇《廉政行動2024》宣傳活動時，表示其角色有很多對白，拍攝時被考起，多次NG。雖然《廉》只得5集，他對劇集有信心︰「託Kelly鴻福，佢呢期紅，希望佢可以帶旺我哋﹗我拍呢齣劇有好多第一次，第一次深入廉政公署同赤柱監獄拍攝，仲第一次同Kelly合作，不過我哋對手戲太少。」談到可有信心憑5集劇角色爭視帝時，山聰說︰「有﹗點會冇信心？如果有提名就爭吓，有咩所謂？有得爭好過冇得爭﹗我今年原來只得一套《反黑英雄》，估唔到《廉》變咗台慶劇，真係好開心﹗」
今年4套台慶劇中，《企業強人》及《廉》均有Kelly演出。她表示︰「未試過連續兩套台慶劇都有份演出，真係好開心﹗我好喜歡長期演女強人角色﹗」至於想憑哪一套劇的角色得獎，Kelly說︰「兩套都想，雙視后都係我，幾好吖，要有信心﹗」她表示其劇中角色是孕婦，拍攝時只坐在辦公室罵人，拍得很舒服。Kelly說︰「演大肚婆感覺好正，可以托住雙手玩手機。做真大肚婆？咁又唔好，遲啲先！」
（即時娛樂）
廣告（請繼續閱讀本文）