荔枝角公園最近出現了小向日葵花田和紅葉，唔洗等到夏天去元朗，或者去大棠先可以欣賞到美景，市中心的公園也可以看到。楓香樹紅葉配上嶺南之風的中式園林湖景，打卡一流。此外愛麗絲花園亦位於荔枝角公園，愛麗絲花園是一個打卡秘景，又稱為小希臘花園，最重要是免費入場！愛麗絲花園位置隱秘，屬歐式庭院風格，可以影出超靚嘅相，根據以下路線教學，一定找得到！
荔枝角公園｜路線教學
交通：美孚站D出口（近西鐵站），向左轉園內極限運動場直行，花園於運動場旁。
愛麗絲花園路線：若父母帶著BB車，可以在E出口先乘升降機才出閘，然後過對面馬路，進入公園後，往左面即向曼克頓山走，記得不是圖書館那方向。跟著指示牌找到硬地足球場（三期），對面就是愛麗絲花園。
向日葵花田路線：如果想睇向日葵花田，可由曼克頓山的入口進入。
荔枝角公園｜小向日葵花田
市區中都有小向日葵，唔洗等到夏天入元朗先睇到。原來最近喺荔枝角公園種咗小向日葵，由曼克頓山的入口進入就可以見到。冬日下嘅向日葵令人感到特別溫暖，不過花田規模較小，要就吓角度先影到靚相。
荔枝角公園｜近在咫尺的楓香樹紅葉
本來公園仲有紅葉睇，但今年嘅紅葉冇上季咁靚。荔枝角公園嘅楓香樹就在咫尺，唔須要入大棠都睇到紅葉，不過要留意紅葉出現嘅時間，今年就冇上幾年咁靚。紅葉位於湖邊，加上中式園林嘅風格，影相超級靚。無遊樂場玩唔緊要，公園行行發掘新嘅景點和係草地跑跑又一日~
荔枝角公園｜走進童話的世界 糖果屋
位於美孚站中式庭院風格的荔枝角公園，隱藏了迷你版「愛麗絲花園」，花園中有藍白色小屋、白色鞦韆椅、心形花草拱門等，猶如置身童話故事小屋。花園小巧別致，建議閒日或早上到訪！附近還有兒童遊樂場，小朋友一定會玩到樂而忘返！
荔枝角公園｜多個遊樂設施 嶺南之風
大家完成愛麗絲花園「打卡」，還可以帶小朋友到荔枝角公園其他遊樂設施遊玩。荔枝角公園分為三期建造，總面積達17.65公頃，園內及附近設有兒童遊樂場，游泳池、體育館、圖書館、網球場、足球場、溜冰場等。
整個公園分為10景區，括有「有鳳來儀」、「群星邀月」、「橋廊畫舫」等，園內外廣植樹木，綠樹成蔭；此外，更有精緻的盆景擺設，大人小朋友都可以在此休息和遊玩！公園內最有名的景點就是「嶺南之風」，園內有許多中式園林設施，配上紅葉景色可說是一流。
Little twin stars龍鳳寶寶
資料及圖片授權：Little twin stars龍鳳寶寶
IG：little_twin_stars82