洪嘉豪昨天（12日）接受由鄭裕玲（Do姐）主持的《口水多過浪花》訪問，洪嘉豪今年的《黑玻璃》大受歡迎，也曾登903專業推介冠軍位置。Do姐問嘉豪是否想在明年1月1日攞獎，他坦言恨再攞叱咤獎：「其實都想，因為自從2019年1月1日上過叱咤頒獎台（生力軍金獎）後，就一直冇再上過（叱咤）頒獎台…
今年《黑玻璃》城中熱話，希望呢隻歌對得住喜歡嘅觀眾及廣大樂迷，我個人嚟講希望攞到個人獎項，今年自己挑戰紅館及澳門（騷），出到一首好hit歌﹑出碟﹑做咗唔少大小演出，多咗人喜歡，成績都幾好，我喺台下坐咗好多年，佢哋（歌迷）陪我坐咗好多年，希望今年盡力躋身三甲，希望目標達成。」
另外，洪嘉豪表示最近客串電影，他表示喜歡拍戲：「之前拍戲客串兩日，更喜歡，一嚟好玩，今年2024做咗好大挑戰，開騷壓力好大，個種緊張感，唔係一般人感受到，反而電影就放鬆，有得玩下，我好enjoy希望多啲機會，但好被動。」
廣告（請繼續閱讀本文）
（即時娛樂）